新聞類別
財經
詳情#
【明報專訊】近排好多商界名人下一代現身，尤其一班富豪千金更加受矚目，好似瑞房（0272）主席羅康瑞嘅寶貝女羅寶瑜（圖）最近回流返香港幫老竇手打理生意，更擔任集團最優質資產中國新天地嘅執行董事，噚日首次亮相業績會，自然成為全場焦點。
五官清秀 盡得「真傳」
羅康瑞有「上海姑爺」稱號，仲連經典港姐冠軍朱玲玲都追到手，靚仔就唔使講啦，羅寶瑜五官清秀，都有老竇遺傳，佢話自己喺美國生活咗10年，做建築設計出身，不過對商業管理都比較有興趣，最近開始喺上海分公司工作，請大家多多指教云云，談吐大方又得體㗎。
以前中國新天地嘅問題由羅康瑞話事，今次佢都全權交予女兒應付。如老生常談嘅上市問題，羅小姐都有備而來，話收租物業家上市折讓好大，希望可以更靈活理資產，上市計劃會再考慮。睇黎羅康瑞都好滿意女兒嘅表現，不過佢不忘補充一句，我哋仲未放棄上市計劃㗎！
[email protected]
[小琴密語]
五官清秀 盡得「真傳」
羅康瑞有「上海姑爺」稱號，仲連經典港姐冠軍朱玲玲都追到手，靚仔就唔使講啦，羅寶瑜五官清秀，都有老竇遺傳，佢話自己喺美國生活咗10年，做建築設計出身，不過對商業管理都比較有興趣，最近開始喺上海分公司工作，請大家多多指教云云，談吐大方又得體㗎。
以前中國新天地嘅問題由羅康瑞話事，今次佢都全權交予女兒應付。如老生常談嘅上市問題，羅小姐都有備而來，話收租物業家上市折讓好大，希望可以更靈活理資產，上市計劃會再考慮。睇黎羅康瑞都好滿意女兒嘅表現，不過佢不忘補充一句，我哋仲未放棄上市計劃㗎！
[email protected]
[小琴密語]
回應 (0)
