新聞類別
財經
詳情#
【明報專訊】最近朋友聚會講得最多嘅一個話題，就係阿爺「暴力救市」之後，點樣可以全身而退而不失霸氣。今個星期謎底終於揭盅，正如筆者所料，阿爺要退市，基本上不可能保持當日「暴力」入場的氣勢，市場無可避免要經歷慘烈陣痛，大媽們必定痛罵阿爺見死不救，但這個結局，其實早寫在牆上，入市入得難睇，退市怎能好看？
早前聽過不少人話，阿爺其實可以學當年香港政府入市，將買咗嘅貨包裝成「盈富基金」推出市場，就可以功成身退咁話。計我話，如果好似講咁容易，阿爺早做咗啦！當年煲呔曾入市，買嘅全部都係藍籌，頂住唔畀恒指插水，仲要係趁冧市執平貨，事後當然可以將入咗嘅貨打包出售。
阿爺燒鵝價買蔗渣貨 難脫手
但阿爺今次入市，情况同當年港府打大鱷好唔同：第一，阿爺除咗買好貨，仲買咗好多蔗渣；第二，呢批蔗渣貨，唔係蔗渣價，而係燒鵝價！最近中港股市齊齊冧，港股PE平均約係9至10倍，上海即使勁跌都仲有接近20倍，深圳跌極都仲有50倍！可想而知，阿爺暴力托市接嘅全部都係貴貨，試問又點會咁容易將呢啲貴價蔗渣打包出售？
有股壇前輩講得好，阿爺喺股市出現泡沫嘅時候出手托市，等如用老百姓嘅血汗去餵大鱷，人民努力賺來嘅錢，就咁用嚟接濟一班貪婪嘅炒家，試問點說得過去？所以話，呢幾日阿爺眼白白睇住指數插水都唔出手，由得佢跌，筆者舉腳贊成。
跌市掀新權鬥 或利香港
股票從來有升有跌，但阿爺以為強國萬能，可以令到股市只升不跌，最終賠上了幾千億嘅學費，係就係貴咗啲，但總好過為咗面子，繼續倒人民血汗落海！而呢次關乎面子與銀紙的慘痛教訓，幾乎肯定會掀動新一輪嘅高層權鬥，樂觀啲睇，市場派手上應該有較多彈藥，攻擊重視市場控制嘅極左思維，這個對香港而言，可能也是好事。
另外，本文於7月30日提到3件梁特與梁粉地產商嘅瓜葛，其中一宗就係「優化維港計劃」。筆者當日只聞風聲，後來才知道政府是計劃將整個尖沙嘴海旁交由新世界全面管理和營運，城規會又拍板，「優化維港」變咗「私有化維港」，難免惹來社會反彈，新官上任嘅民政事務局長劉江華，竟然話「與新世界合作是順理成章」，全靠佢嘅負面形象，即時令到香港市民對計劃更加存疑。
劉江華勇武護梁
筆者數數手指，呢個計劃嘅公眾諮詢期結束前一個多星期，原來就係曾德成被炒，劉江華上任嘅時間。試想想，被指「搞青年工作不力」嘅德成局長，又點會好似佢嘅下手咁，用「順理成章」去形容整個規劃安排？暫且不假設整件事與炒局長有關，單單睇劉江華肯為梁特勇武護航，已經明白梁特為何要冒上得罪老左嘅高風險，除去身邊唔聽話嘅手下。
[應正亮 廿四味]
早前聽過不少人話，阿爺其實可以學當年香港政府入市，將買咗嘅貨包裝成「盈富基金」推出市場，就可以功成身退咁話。計我話，如果好似講咁容易，阿爺早做咗啦！當年煲呔曾入市，買嘅全部都係藍籌，頂住唔畀恒指插水，仲要係趁冧市執平貨，事後當然可以將入咗嘅貨打包出售。
阿爺燒鵝價買蔗渣貨 難脫手
但阿爺今次入市，情况同當年港府打大鱷好唔同：第一，阿爺除咗買好貨，仲買咗好多蔗渣；第二，呢批蔗渣貨，唔係蔗渣價，而係燒鵝價！最近中港股市齊齊冧，港股PE平均約係9至10倍，上海即使勁跌都仲有接近20倍，深圳跌極都仲有50倍！可想而知，阿爺暴力托市接嘅全部都係貴貨，試問又點會咁容易將呢啲貴價蔗渣打包出售？
有股壇前輩講得好，阿爺喺股市出現泡沫嘅時候出手托市，等如用老百姓嘅血汗去餵大鱷，人民努力賺來嘅錢，就咁用嚟接濟一班貪婪嘅炒家，試問點說得過去？所以話，呢幾日阿爺眼白白睇住指數插水都唔出手，由得佢跌，筆者舉腳贊成。
跌市掀新權鬥 或利香港
股票從來有升有跌，但阿爺以為強國萬能，可以令到股市只升不跌，最終賠上了幾千億嘅學費，係就係貴咗啲，但總好過為咗面子，繼續倒人民血汗落海！而呢次關乎面子與銀紙的慘痛教訓，幾乎肯定會掀動新一輪嘅高層權鬥，樂觀啲睇，市場派手上應該有較多彈藥，攻擊重視市場控制嘅極左思維，這個對香港而言，可能也是好事。
另外，本文於7月30日提到3件梁特與梁粉地產商嘅瓜葛，其中一宗就係「優化維港計劃」。筆者當日只聞風聲，後來才知道政府是計劃將整個尖沙嘴海旁交由新世界全面管理和營運，城規會又拍板，「優化維港」變咗「私有化維港」，難免惹來社會反彈，新官上任嘅民政事務局長劉江華，竟然話「與新世界合作是順理成章」，全靠佢嘅負面形象，即時令到香港市民對計劃更加存疑。
劉江華勇武護梁
筆者數數手指，呢個計劃嘅公眾諮詢期結束前一個多星期，原來就係曾德成被炒，劉江華上任嘅時間。試想想，被指「搞青年工作不力」嘅德成局長，又點會好似佢嘅下手咁，用「順理成章」去形容整個規劃安排？暫且不假設整件事與炒局長有關，單單睇劉江華肯為梁特勇武護航，已經明白梁特為何要冒上得罪老左嘅高風險，除去身邊唔聽話嘅手下。
[應正亮 廿四味]
回應 (0)
