港社團搞抗戰音樂會 大媽大叔獻技

【明報專訊】香港唔搞閱兵活動，但愛國團體都趁抗戰勝利70周年搞活動，好似香港島各界聯合會噚晚就搞咗場音樂會，仲有大媽、大叔上台載歌載舞獻技。無得去北京嘅民政事務局長劉江華致辭時話，港府除咗將今日定為額外法定假，仲推動社會各界多辦紀念抗戰活動，等市民尤其係年輕一代，可以多認識呢段悲壯歷史，「傳誦先烈偉績，以史為鑑」。音樂會邀請咗兩岸三地同馬來西亞精英演唱多首抗戰歌曲，劉江華話歌曲「教我們要緬懷歷史，守護國家」。