中大千個自家月餅派長者

【明報專訊】中文大學校長沈祖堯聯同100名「中大•關懷服務團」義工，上周六同馬鞍山嘅長者提早慶祝中秋節，佢哋除咗同長者唱歌、玩遊戲，都有搞「蛇齋餅糉」，向長者送上1000個印有「中大CUHK」字樣嘅愛心月餅及福袋。


沈祖堯溫馨提示

沈校長仲溫馨提示各長者，「『中大愛心月餅』為低糖雙黃白蓮蓉，糖分較低，但各位長者切勿進食過多。作為一位腸胃科醫生，我希望大家可以食得開心又健康。」


中大今年首推自家品牌月餅，供師生、職員及校友訂購，月餅由社企明愛天糧烘焙，呢間社企為精神康復者和弱能人士創造就業及職業培訓機會。