神童輝媽媽：炒樓若掂 唔使住千呎樓

【明報專訊】家陣樓價不斷創新高，但係小琴「思甜憶苦」，想起今日樓市咁爽，但係昔日樓市狂潮中，大風大浪都淘盡不少英雄豪傑。好似當年人稱神童輝嘅羅兆輝，炒樓炒到七彩，風生水起，但係一個大浪，佢一樣要破產，仲一度慘至自殺，實在令人無限唏噓。

回想當年輝仔嘅大起大落，小琴八到佢近日經常出沒港島東，原來呢位昔日嘅億萬地產富豪，其胞弟羅兆華與父母，同住喺港島東區一個大型私人屋苑，係一個望海單位，面積逾千呎。

小琴早前帶埋果籃，專誠上羅家拜訪，希望見見輝仔，了解佢對當前樓市有何睇法。開門嘅係羅兆華，佢身穿平民街坊裝，堅稱神童輝唔喺上址居住，又禮貌地接過記者名片，聲稱會通知兄長，但佢唔肯就今日嘅狂熱樓市作出評論，謂：「我不會再談這個，沒什麼好說。」

家住東區千呎望海單位

神童輝媽媽可能喺室內聽到小琴等人問及「有沒有炒樓賺錢」，羅母突然說：「如果有，就不用住這裏啦！」其實有關單位都幾大，又有海景。之不過，同輝仔當年發圍時，家人所住嘅住所，可能有唔少分別，所以羅母突出此言，都可以理解。

報料電郵﹕piano@mingpao.com