港台「曲線記招」 拎篋喻資源緊絀

【明報專訊】亞視隨時停播，政府早前要香港電台短時間內接收亞視模擬頻道，不過時間不足，又無足夠資源，對港台員工而言都相當棘手。港台節目《視點31》噚日就喺facebook專頁上載「曲線記招」，話節目嚟緊將會暫停一個月，為咗日後繼續廣播，佢哋會好好善用緊絀嘅資源，並隨即學亞視之前搞記者會咁，拎出一個篋，不過入面只得一張500蚊紙，加一張署名「財爺」、寫上香港電台新大樓嘅空頭支票。有網民就留言﹕「死貓就要港台食，錢又唔肯畀」；節目專頁就回覆：「好想like！你就當我like了吧！」