新世界40周年

【明報專訊】「三十而立，四十而不惑。」彤叔喺新世界發展（0017）份主席報告書，第一句就拋出孔子喺《論語》講嘅說話，話新世界已經成立40載，正值不惑之年，會高速發展咁話。不過，小琴就認為彤叔呢句說話，有一半係同佢孫仔孫女講，提醒佢地個個都步入30之齡大過仔，要表現出能力接班！

彤叔近兩年確實畀唔少機會佢嘅第三代接班，好似30歲嘅鄭志剛不單由新世界中國（0917）兼顧埋新世界發展執董，據年報披露，佢年薪（連同購股權）由800萬元加到890萬元，加幅好過唔少打工仔。29歲嘅80後孫女鄭志雯今年亦做埋新中執董，年薪68萬元。另外第三代32歲鄭志恒、31歲鄭志謙亦都陸續加入新世界系唔同公司做執董，實行畀晒機會佢哋上位。