梁兆基：港企可執笠搞投資

【明報專訊】噚日舉行嘅香港經濟論壇，雲集本地經濟精英，為香港經濟把一把脈，其中一論壇就係腦震盪一下，香港企業係喺第十二個五規劃之下，會有乜機遇。點知匯豐亞太區業務策略及經濟顧問梁兆基話，傳統港企一直都喺內地，從事勞動密集嘅低成本生產，睇唔到喺「十二五」推動內需、科研環保之下，有乜特別優勢。

「十二五」規劃支持行業 港企乏優勢

雖然先天優勢欠奉，但梁兆基提到，港企要轉型，都唔係無法子嘅，一係將生產線遷到內陸，減低生產成本，一係就發展高科技，又或者港商可以考慮執咗盤生意，將資金拎去投資，香港有良好嘅資產管理公司幫手。梁兆基擺到明幫自己公司賣廣告，博得台下一眾Banker同行嘅掌聲。不過，喺台上嘅中華廠商會會長蔡冠深，就無乜表情，唔知佢點諗呢？