新聞類別
財經
詳情#
【明報專訊】曾經係新浪微博用戶嘅小琴，因為每次打「劉曉波」、「趙連海」呢啲敏感字眼就自動畀管理員河蟹，跟住決定以後唔再玩微博！不過對包括中港台藝員以至唔少網民嚟講仍然樂此不疲，幾乎每5分鐘就將自己衣食住行嘅細節Update上「博」。
新浪旗下嘅微博大熱，加上內地網絡視頻公司優酷網，同電子商務公司當當網，係紐約掛牌被熱炒，搞到新浪股價星期三（8日）升到去每股71.5美元，創上市10年以嚟嘅新高！
微博大熱、引嚟唔少網民熱玩嘅同時，亦都搞出唔少大頭佛，包括係網絡欺凌、罵戰等等，最新鮮滾熱辣嘅當然係「魏藤戀」嘅罵戰。
不過，最慘嘅莫過於分唔清網絡世界同現實世界，好似係月初微博「瘋傳」《明報》創辦人查良鏞去世嘅消息，就連累咗《中國新聞周刊》嘅雜誌副總編輯、內容總監同埋網站編輯，事關佢哋無查清楚就登咗單新聞出街，其中副總編輯劉新宇就因為咁而要負上責任，最終辭職收場。網絡世界唔少假嘢，小琴奉勸各位網民要睇清楚，加啲個人分析先好信囉！
回應 (0)
