新聞類別
娛樂
詳情#
【蘋果日報】冇人想與鬼有緣，偏偏關寶慧卻經常見鬼！初次「見面」喺泰國，關寶慧表示：「10幾歲同朋友去泰國，第一次見到唔係人嘅嘢，喺酒店房見到長髮白影，坐喺床頭睇住朋友，嗰次見完之後非常之驚，因為我係全身郁唔到，知道自己撞鬼，跟住開始頻密，騷擾性都幾大，因為成日出外拍嘢，往往喺酒店、外景地方騷擾你，搞到情緒唔好，終於有日搵師傅封眼。」
自從封眼之後，關寶慧慶幸有5、6年見唔到鬼，點知突然有日又係喺泰國「再遇」：「喺酒店見到，好得人驚，個樣同我完全一樣嘅物體，但唔係人，當時夜晚9點幾，我返到房開門，好似閃光燈嚓一聲之後，見到綠色透明物體企我隔離，佢眼神係咁樣（凶狠地?住），我一望之後係震，我見唔少第三空間嘅嘢，但未見過一個咁近同出現咁耐，我望到佢之後，即刻當睇唔到佢，繼續開房門，開咗十幾下都開唔到，可能我全身太震。」
跟住關寶慧再偷望：「佢仍然係望住我，我再望清楚啲，佢冇腳，着嘅衫同我唔一樣，但個樣同我係一樣，我唔知大家有乜感覺，當你見到物體同你一樣樣，我驚到連經文都唸唔到，因為佢太近，好驚佢撲埋嚟，終於開到門入房，下意識望有冇跟入嚟。」
事後關寶慧安慰自己：「我封完眼之後，見到佢惟有正能量啲，盡量唔好畀佢知道我知佢存在，如果避唔到，我幫到佢會幫，但唔好再見嘞。」
場地：The AIR(The ONE）（備註：事件泰國發生，跟場地無關。）
自從封眼之後，關寶慧慶幸有5、6年見唔到鬼，點知突然有日又係喺泰國「再遇」：「喺酒店見到，好得人驚，個樣同我完全一樣嘅物體，但唔係人，當時夜晚9點幾，我返到房開門，好似閃光燈嚓一聲之後，見到綠色透明物體企我隔離，佢眼神係咁樣（凶狠地?住），我一望之後係震，我見唔少第三空間嘅嘢，但未見過一個咁近同出現咁耐，我望到佢之後，即刻當睇唔到佢，繼續開房門，開咗十幾下都開唔到，可能我全身太震。」
跟住關寶慧再偷望：「佢仍然係望住我，我再望清楚啲，佢冇腳，着嘅衫同我唔一樣，但個樣同我係一樣，我唔知大家有乜感覺，當你見到物體同你一樣樣，我驚到連經文都唸唔到，因為佢太近，好驚佢撲埋嚟，終於開到門入房，下意識望有冇跟入嚟。」
事後關寶慧安慰自己：「我封完眼之後，見到佢惟有正能量啲，盡量唔好畀佢知道我知佢存在，如果避唔到，我幫到佢會幫，但唔好再見嘞。」
場地：The AIR(The ONE）（備註：事件泰國發生，跟場地無關。）
回應 (0)
