新聞類別
娛樂
詳情#
【蘋果日報】「我係一個不缺戲拍嘅人，我亦都係一個不缺男朋友嘅人。」苑瓊丹曾與拍拖6年的亞視藝訓班男友談婚論嫁，有日外景突取消，她提早回家卻捉姦在床。苑仔日前接受本報專訪笑說：「好精采㗎！原來捉姦在床係呆咗唔識講！當日我喺屋企等佢，諗住匿埋嚇佢，點知佢帶個女人返嚟，攬身攬勢。當時我好鎮定問個女人係邊個，對付咗個女人我先至發爛渣。」
被背叛經歷無阻苑仔繼續拍拖，在前男友林正英肝癌離世多年後，她戀上「玻璃大王」黃乃揚，二人04年在美國拉斯維加斯結婚。不過，苑仔自爆經常發老公脾氣，直至7年前母親逝世才令她改變：「我開始諗人有缺點優點，係咪可以將就吓？我就同老公講，無論你曾經做錯乜嘢事，日後做錯乜嘢事，我都唔會同你計較，你媾女嘅時候唔好俾人影到就得。」
回應 (0)
