【馮仁昭四圍超】心痛老婆剖腹傷口　陳國峰得子　激動

【蘋果日報】

現年34歲嘅「巨聲幫」陳國峰，舊年3月同圈外女友黃思雅註冊結婚之後一直努力造人，結果好快畀佢恨到，今年5月喺微博宣佈老婆陀B仔。到咗噚日，陳國峰喺微博宣佈B仔出世：「同大家報個平安，感謝大家嘅祝福同關心，託賴母子平安。」佢仲貼咗B仔同自己滿面鬚根嘅相，睇嚟呢個新手爹哋忙到連鬚都冇時間剃。


B仔係開刀出世，重6磅1安士，比今個月6號預產期只係早咗幾日。榮升爹哋嘅陳國峰噚日接受傳媒訪問時好開心咁話：「我有入產房剪臍帶，心情都仲係好激動，BB出嚟嗰陣都有喊，一嚟見到同太太嘅結晶品出世，二嚟見到太太個傷口好肉痛。暫時中、英文名都未改。」陳國峰話以前唔知媽咪有幾辛苦，