與劉愷威上真人騷？楊冪：下半年會更多陪伴家人

【蘋果日報】楊冪同劉愷威喺結婚初期如影隨形，不時互去探班，間唔中就結伴去外遊，點知自囡囡「小糯米」出世後，兩公婆反而各有各忙，囡囡交由老爺劉丹照顧，楊冪同劉愷威更屢傳婚變，就算多次被影到二人抵港，貌合神離，佢哋都一概否認。


佢哋fans都為佢哋兩公婆擔心，以前成日喺微博放閃，o依家已經甚少有互動，近日有大陸媒體爆料稱楊冪將同劉愷威組夫妻檔，一齊上一個真人騷節目，同場上節目仲會有李晨范冰冰、鄧超孫儷、馮德倫舒淇、秦俊傑楊紫等亦有機會加盟，每一對都有話題，自然引起唔少網民關注。


唔少fans以為楊冪同劉愷威可以相聚，打破婚變嘅流傳。正當大家食住花生等住睇……


之不過前日晏晝，楊冪工作室微博否認呢件傳聞，「最近很多朋友關心小冪接下來的工作安排，問她是否會再接真人騷。目前下半年，小冪會把更多的時間用在劇組拍戲和陪伴家人上，在錄完《明日之子》後，暫時沒有再做真人騷固定嘉賓的打算。感謝大家的關注關心啦！」楊冪斬釘截鐵表明唔係「合體」上節目，應該令唔少fans失望。