【畢業生搵工實錄（3）】起薪點萬二都收貨　理大護士生夠Pro唔怕失業

【蘋果日報】今時今日，可以話一街都係大學生，同學仔想搵到心水嘅工真係唔容易。今集我哋搵嚟讀唔同科嘅同學仔，問吓佢地擔唔擔心畢業之後嘅去向，同埋起薪點幾錢先收貨。


陳同學：「驚呀驚呀好驚失業喎。」


胡同學：「讀nursing都唔係咁驚嘅，因為nursing係profession呀嘛。」


劉同學：「我呢行唔係好擔心，最新睇萬七左右，我係讀飛機囉。」


有啲同學覺得，大學畢業生嘅起薪點太低。


元同學：「我係讀創意媒體嘅，萬頭啦，最低時薪都好低咁樣。」


陳同學：「少呀好少，我諗fresh grad其實都係萬二蚊左右。」


亦有同學話自己唔適合做打工仔，希望可以創業或炒散。


陳同學：「如果有一定錢嘅話，希望可以開吓網店咁樣。」


吳同學：「我未搵full time，畢咗業一年啦，我一早就覺得自己唔適合full time。」


有同學話唔會做自己讀嗰行，考政府工好過。如果你都對政府工有興趣，記得睇到片尾，聽吓喺政府部門打工嘅過來人點講喇！