新聞類別
娛樂
詳情#
【蘋果日報】大台兩套黃金時段劇集，分別以67歲嘅家燕姐同68歲嘅鮑姐做主角，啱晒一班念舊嘅家庭觀眾。不過後生一輩搵到新睇法，將《同盟》入面嘅鮑姐奉為新女神，證明愛係無分年齡。有人喺連登討論區開帖，鮑姐幾個投票都拋離對手幾條街，家燕姐應該都輸得心服口服。估唔到嘅係，佢仲連贏司棋姐同港姐冠軍雷莊兒，最勁係贏埋細一個對，只係得34歲嘅李佳芯。
呢件事連網絡紅人瓊姐都感到震驚，喺facebook專頁開帖，兩個選擇都係「鮑姐好正」同「鮑姐好索」，真係公又我贏，字就你輸，真係你玩晒啦。連監製文偉鴻留言話要通知鮑姐，然後無耐鮑姐現真身留言「咁搞法！笑死人了！」
網民一致撐鮑姐，話鮑姐夠晒煮家婆感覺，但睇唔慣佢做黑社會大佬。不過同劇嘅對手梁舜燕、韓馬利都係老戲骨，唔知佢哋幾時會被人發掘呢？
呢件事連網絡紅人瓊姐都感到震驚，喺facebook專頁開帖，兩個選擇都係「鮑姐好正」同「鮑姐好索」，真係公又我贏，字就你輸，真係你玩晒啦。連監製文偉鴻留言話要通知鮑姐，然後無耐鮑姐現真身留言「咁搞法！笑死人了！」
網民一致撐鮑姐，話鮑姐夠晒煮家婆感覺，但睇唔慣佢做黑社會大佬。不過同劇嘅對手梁舜燕、韓馬利都係老戲骨，唔知佢哋幾時會被人發掘呢？
回應 (0)
