徐子淇美國Sweet咀老公何傲兒周子揚密密咀13次

【蘋果日報】見到白只同顏卓靈咀12次好多咩？未算，早幾年有個record至今仲未有人破到，嗰個係已經掟咗煲嘅何傲兒同周子揚，佢哋兩個拍拖時間唔叫好長，不過兩人於14年拍拖期間，佢哋喺沙田孖咇行街街，先後喺扶手電梯、家品店等唔同地方，先後咀咗13次，癡纏到一個點。
咀嘴呢家嘢，都真係好講sweet唔sweet，好似徐子淇同老公李家誠上年徐子淇同老公李家誠，舉家到美國環球影城玩，喺快餐店休息期間，佢哋兩個旁若無人接連咀嘴，一瞬間就錫咗5次。
近年少咗喺香港現身嘅葉璇，前年被發現同男友「小默先生」現身銅鑼灣，仲行專賣潮物同時裝嘅金百利商場，兩人時而拖手時而搭膊頭，小默更情不自禁咀女友，甜到漏。