拖手．餵食．湊女洗米華遠在倫敦的家庭生活

【蘋果日報】早排洗米華洗米嫂成家人飛咗去英國陪大女開學，但見得最多嘅，都仲係洗米華同Mandy行街嘅相，早幾日又有讀者見到佢哋行街，仲喺扶手電梯上錫咗啖。
兩個人呢下Kiss，夠晒sweet，屬於兩人嘅甜蜜時光，又點只呢下？撇開其他人嘅眼光，洗米華坐Mandy大髀玩百家樂，都算係兩個人嘅情趣。之後兩人去首爾旅行，Mandy同洗米華食燒排骨，仲用叉拮咗嚿餵洗米華。
拍拖喎，拖手蹺臂呢啲例牌實有啦，但最震撼嗰次當然要提番，呢次就係15年底，Mandy返香港，洗米華專車迎接，打完邊爐再喺傳媒面前拖住走。
最有家庭feel嘅一次，就係16年，有次洗米華同Mandy帶住阿女周願同兩個朋友喺倫敦食飯，洗米華抱實阿女坐大髀，之後仲舉起阿女玩「空中飛人」，湊完女再交俾Mandy接力，散發住溫馨feel。