新聞類別
娛樂
詳情#
【蘋果日報】講談泉慶，除咗警察，仲有保齡。
談泉慶喺1986年同車菊紅一齊參加亞運選拔賽，翌年仲攞到世界盃香港區男子組冠軍，代表香港去馬來西亞參加世界盃。佢曾經教過李克勤打保齡，現時已離開幕前、正式退休嘅佢，對保齡運動依然熱愛，仲幫藝進同學會做保齡球教練㖭！
講到當年點解會愛上打保齡，談泉慶話：「我1982年開始打保齡，其實我好懶，有次開完工去南華會，點解有樣運動有冷氣，又咁舒服又唔使partner，自己一個人可以玩，所以由嗰時開始愛上打保齡。」
「本身我有啲運動細胞，我爹哋喺政府係做體育視學官，去學校監察住體育先生啲表現，我讀書時游水好叻，代表學校參加校際賽攞第5名。但我好懶，嫌游水又要洗頭換衫，吸埋泳池啲氯氣，好鬼傷，所以有個好偶然機會下我見到保齡，愛上保齡。」
一直有報道話談泉慶1986年同車菊紅一齊參加亞運，談泉慶話當年只係同車菊紅一齊參加亞運選拔賽，但自己未能入圍。不過，佢喺1987年好好彩攞到保齡球世界盃香港區冠軍，代表香港去馬來西亞參加世界盃，雖然當日未能贏到獎項，但能夠同40多個國家比賽，佢已經覺得好榮幸。
當年又拍劇要應付比賽，豈非好忙？談泉慶笑笑口話：「嗰時拍膊頭叫監製、導演快啲俾我拍，因為我要去參加選拔賽！有時朝早打波，我要拍外景嘅話，就會叫押後少少，晏晝先拍我。嗰時全部拍晒膊頭，佢哋亦幫我手。」點解唔做全職運動員？談泉慶話：「嗰時香港冇全職運動員，純粹係業餘性質，為興趣去玩。」
問談泉慶覺得香港推動保齡運動方面做成點時，佢話：「再要更加努力啲，因為場少。」
談泉慶喺1986年同車菊紅一齊參加亞運選拔賽，翌年仲攞到世界盃香港區男子組冠軍，代表香港去馬來西亞參加世界盃。佢曾經教過李克勤打保齡，現時已離開幕前、正式退休嘅佢，對保齡運動依然熱愛，仲幫藝進同學會做保齡球教練㖭！
講到當年點解會愛上打保齡，談泉慶話：「我1982年開始打保齡，其實我好懶，有次開完工去南華會，點解有樣運動有冷氣，又咁舒服又唔使partner，自己一個人可以玩，所以由嗰時開始愛上打保齡。」
「本身我有啲運動細胞，我爹哋喺政府係做體育視學官，去學校監察住體育先生啲表現，我讀書時游水好叻，代表學校參加校際賽攞第5名。但我好懶，嫌游水又要洗頭換衫，吸埋泳池啲氯氣，好鬼傷，所以有個好偶然機會下我見到保齡，愛上保齡。」
一直有報道話談泉慶1986年同車菊紅一齊參加亞運，談泉慶話當年只係同車菊紅一齊參加亞運選拔賽，但自己未能入圍。不過，佢喺1987年好好彩攞到保齡球世界盃香港區冠軍，代表香港去馬來西亞參加世界盃，雖然當日未能贏到獎項，但能夠同40多個國家比賽，佢已經覺得好榮幸。
當年又拍劇要應付比賽，豈非好忙？談泉慶笑笑口話：「嗰時拍膊頭叫監製、導演快啲俾我拍，因為我要去參加選拔賽！有時朝早打波，我要拍外景嘅話，就會叫押後少少，晏晝先拍我。嗰時全部拍晒膊頭，佢哋亦幫我手。」點解唔做全職運動員？談泉慶話：「嗰時香港冇全職運動員，純粹係業餘性質，為興趣去玩。」
問談泉慶覺得香港推動保齡運動方面做成點時，佢話：「再要更加努力啲，因為場少。」
回應 (0)
