新聞類別
財經
詳情#
【明報專訊】要推廣一個品牌，有時唔係落吓廣告、吹吓策略咁簡單，最緊要就係集團上下畀到外間形象同感覺如何。小琴知道星展香港想出力推廣品牌形象，不過喺品牌推廣活動上，安排卻有欠妥當，甚至講得上係混亂，未見新品牌的形象，已叫在場記者朋友大感失望！
星展共投資1800萬喺今次嘅品牌推廣活動，仲有新一輯電視廣告準備向大家分享。星展就搞咗一場專畀傳媒觀賞嘅品牌騷，香港區行政總裁龐華毅也都親自到場。
「時間所限」 宣傳片唔見影
眼見現場中環碼頭WaterMark嘅佈置的確相當吸引，但係大會原本向傳媒講，將會首播新一輯嘅廣告宣傳片，之不過，最後搞完一大輪，呢輯宣傳片都無播到，大會解釋係「因為時間所限」，結果無咗回事，小琴同埋記者朋友出席完活動後，對星展所謂要推廣嘅形象，更加一頭霧水。小琴原本仲想同各位讀者講吓，星展新形象有幾正有幾潮㖭，睇嚟都要下次喇！
回應 (0)
