新聞類別
娛樂
詳情#
【蘋果日報】美魔女羅霖早前去咗佐敦道跟朱Sir，學整紫薯同芒果兩款新派月餅，預備慶祝明日中秋節。羅霖話有學過整中式月餅，不過呢類西式餅都係首次，好在喺朱Sir指導之下，都整到有板有眼，味道都拍住老師嘅出品。紫薯餅要準備紫薯粉、紫薯泥、淡忌簾、牛油同全蛋，分別整佢個餡同皮。朱Sir話要注意就係放入焗爐前用籤刺洞，等佢受熱時可以疏氣；至於芒果月餅要注意係餡料要放雪櫃過夜，方便製作。經過十多分鐘嘅焗製，色香味全嘅西式月餅就呈現眼前。
望搵多個錢
講到今年中秋節，羅霖會照舊同屋企人過，佢話：「陪情人，三個仔都係情人，所以今年陪佢哋。」講到之前出席活動時被老友王瑋爆好事近，羅霖話好朋友緊張自己同講笑，暫時都係以事業為重，因為小朋友開支大，所以希望可以搵多個錢：「傾緊傾緊，睇咗劇本同故事大綱，做女強人詳情要問祖藍。不過想做喜劇，因為鍾意開開心心笑，拍太沉重嘅劇，個人情緒會壓到好低。」
撰文：馮仁昭
場地提供：Amazing Sweets
望搵多個錢
講到今年中秋節，羅霖會照舊同屋企人過，佢話：「陪情人，三個仔都係情人，所以今年陪佢哋。」講到之前出席活動時被老友王瑋爆好事近，羅霖話好朋友緊張自己同講笑，暫時都係以事業為重，因為小朋友開支大，所以希望可以搵多個錢：「傾緊傾緊，睇咗劇本同故事大綱，做女強人詳情要問祖藍。不過想做喜劇，因為鍾意開開心心笑，拍太沉重嘅劇，個人情緒會壓到好低。」
撰文：馮仁昭
場地提供：Amazing Sweets
回應 (0)
