新聞類別
娛樂
詳情#
【蘋果日報】【我的美麗孕記】
現年42歲的鄺文珣95年入行，憑貌似劉嘉玲，出道後即被安排在無綫劇集《真情》演出，跟劉愷威做一對。事隔22年鄺文珣已是兩子之母，為丈夫應德榮育有9歲的大仔家澄及7歲的細仔家泊。而細女Chesney亦於上周一出世，她對於囡囡提早到來回應時稱：「早咗出世，我哋聽到佢喊聲，好感動，完全控制唔到自己眼淚，先生都好感動。」
懷孕初期辛苦
早在囡囡出世前，鄺文珣接受本報專訪，她坦言從前是緊張大師，現時已輕鬆不少，唯一不能放鬆的是教育：「養好容易，教先係重點。」Chesney的到來，對鄺文珣來說是又驚又喜：「做媽媽真係好多嘢兼顧，以前好想快啲卸貨，今次想佢大隻啲先，我成日同佢傾偈，叫佢住耐啲。凡事要諗得正面啲，放鬆心情面對。早排我都好辛苦，會有啲擔心，同老公分享吓，擁抱嗰啲問題，甚至可以喊出嚟。」她笑言第一胎飲奶多一分、少一分都不敢，更記低大、小便，到今次「走佬袋」都未準備。
教囝囝做家務
對於孕婦飲食鄺文珣會以多種維他命為主，日常生活會減少行路、不拿重物：「好彩有兩個仔，佢哋會幫手。我會訓練佢哋做家務，摺衫、執玩具要佢哋自己做番。」
鄺文珣以過來人身份分享育兒心得：「好似人哋話0至1歲要抱定唔抱咁，我覺得唔係出面點講你就要做，要用自己嘅方法。其實最緊要係培養小朋友嘅價值觀同埋同家庭嘅關係。千祈唔好人學你又要學，應該教佢好好照顧自己，教佢生存嘅意義，唔使逼佢行邊條路。」
採訪：盧妹
場地提供：Central Central
化妝：MoMo Chow of Ms.Workshop
服裝：Christian Wijnants
現年42歲的鄺文珣95年入行，憑貌似劉嘉玲，出道後即被安排在無綫劇集《真情》演出，跟劉愷威做一對。事隔22年鄺文珣已是兩子之母，為丈夫應德榮育有9歲的大仔家澄及7歲的細仔家泊。而細女Chesney亦於上周一出世，她對於囡囡提早到來回應時稱：「早咗出世，我哋聽到佢喊聲，好感動，完全控制唔到自己眼淚，先生都好感動。」
懷孕初期辛苦
早在囡囡出世前，鄺文珣接受本報專訪，她坦言從前是緊張大師，現時已輕鬆不少，唯一不能放鬆的是教育：「養好容易，教先係重點。」Chesney的到來，對鄺文珣來說是又驚又喜：「做媽媽真係好多嘢兼顧，以前好想快啲卸貨，今次想佢大隻啲先，我成日同佢傾偈，叫佢住耐啲。凡事要諗得正面啲，放鬆心情面對。早排我都好辛苦，會有啲擔心，同老公分享吓，擁抱嗰啲問題，甚至可以喊出嚟。」她笑言第一胎飲奶多一分、少一分都不敢，更記低大、小便，到今次「走佬袋」都未準備。
教囝囝做家務
對於孕婦飲食鄺文珣會以多種維他命為主，日常生活會減少行路、不拿重物：「好彩有兩個仔，佢哋會幫手。我會訓練佢哋做家務，摺衫、執玩具要佢哋自己做番。」
鄺文珣以過來人身份分享育兒心得：「好似人哋話0至1歲要抱定唔抱咁，我覺得唔係出面點講你就要做，要用自己嘅方法。其實最緊要係培養小朋友嘅價值觀同埋同家庭嘅關係。千祈唔好人學你又要學，應該教佢好好照顧自己，教佢生存嘅意義，唔使逼佢行邊條路。」
採訪：盧妹
場地提供：Central Central
化妝：MoMo Chow of Ms.Workshop
服裝：Christian Wijnants
回應 (0)
