陳慧琳生瘡驚青問朋友

【蘋果日報】陳慧琳、馬詩慧和Cara G.等昨日在金鐘出席「關注乳癌」活動，陳慧琳表示向來注重健康，每年會定期做身體檢查，她說：「我個人好敏感，少少唔舒服就會驚青，會周圍問朋友有冇呢啲情況，之後又會去check。」問可曾杯弓蛇影擔心過？她說：「成日都會，有啲喺啲奇怪位生瘡，但原來人哋都會有。」
因為要出鏡，陳慧琳會着緊臉部問題，又要注意五臟六腑健康，反而她的丈夫不會太着緊身體，亦不會作定期檢查，她說：「身邊有朋友有事佢就驚啲，就算聲沙流鼻涕都話冇事，不過佢係全家最壯嘅，兩個仔病，反而我會病先。」
採訪：王連連
攝影：仇志德