新聞類別
娛樂
詳情#
【蘋果日報】王愛倫（Ellen)、陳法蓉和鄧達智等，前晚在九龍灣出席勵志紀錄片《結CRUX》慈善首映禮，王愛倫和朱玲玲份屬老友，提到這位已榮升嫲嫲就開心不已，她大爆朱玲玲姐最近患有「分享症」，經常分享乖孫的相片及短片，王愛倫說：「兩個都似晶晶（郭晶晶），好幸福，咁後生就有兩個孫。」
其實Ellen本身亦相當恨抱孫，她坦言：「今日見到劉倩婷個B女，我都好羨慕，我都希望第日我個孫快啲出世，我啲仔都差唔多30歲，都係時候諗諗。催就冇嘅，順其自然等佢哋開心，費事畀壓力佢哋。」她指兩個兒子林建億、林建龍都非常生性，有自己事業。講到細仔建龍和外籍模特兒Olga拍拖，Ellen指二人拍拖數年，更大讚未來新抱：「我批准咗好耐㗎嘞，都已經當佢係（新抱），佢好乖，好錫屋企人，依家啲女仔咁樸素，已經好好嘞。」
陳法蓉想結婚
此外，本月28日是陳法蓉51歲生日，說到生日願望，她說：「上年出到聲話想有適合男士出現，最尾係冇嘅，今年唔想求嘞，越求越走，順其自然，遇到啱就快快趣結婚，冇啱嘅唔會強求。依家都有人追，但未遇到想繼續發展嘅。」
採訪：羅慧敏
攝影：陳慧安
其實Ellen本身亦相當恨抱孫，她坦言：「今日見到劉倩婷個B女，我都好羨慕，我都希望第日我個孫快啲出世，我啲仔都差唔多30歲，都係時候諗諗。催就冇嘅，順其自然等佢哋開心，費事畀壓力佢哋。」她指兩個兒子林建億、林建龍都非常生性，有自己事業。講到細仔建龍和外籍模特兒Olga拍拖，Ellen指二人拍拖數年，更大讚未來新抱：「我批准咗好耐㗎嘞，都已經當佢係（新抱），佢好乖，好錫屋企人，依家啲女仔咁樸素，已經好好嘞。」
陳法蓉想結婚
此外，本月28日是陳法蓉51歲生日，說到生日願望，她說：「上年出到聲話想有適合男士出現，最尾係冇嘅，今年唔想求嘞，越求越走，順其自然，遇到啱就快快趣結婚，冇啱嘅唔會強求。依家都有人追，但未遇到想繼續發展嘅。」
採訪：羅慧敏
攝影：陳慧安
回應 (0)
