學生時期舊照瘋傳雙宋原來勁有夫妻相

【蘋果日報】韓國神劇《太陽的後裔》嘅宋仲基同宋慧喬今年7月高調認戀，同時宣佈將於本月底結婚，早前兩人已到美國拍婚照，日前又被發現到巴黎旅行，預支蜜月。
當日雙宋喺巴黎旅行時，被遊客捕獲，佢哋都好親民同遊客合照，不過事後就發現喬妹腹部微隆，加上雙宋嘅經理人又要求網民刪除有關照片，令到喬妹懷孕之說更加似層層。
雖然暫時雙宋就未公佈好消息，但網民就瘋傳二人嘅學生時期嘅舊照，當中喬妹同一班女同學坐喺草地上影合照，而宋仲基就同一班男同學合照，當中兩人樣貌好嫩口，特別係宋仲基個樣同0依家一樣樣，好似冇老過咁，而網民都大讚兩人原來由學生時期開始已勁有夫妻相，難怪最終一劇撻着，攜手步入教堂。