新聞類別
娛樂
詳情#
【蘋果日報】【北京直擊】陳奕迅（Eason）為宣傳全新國語碟《C'mon in~》，昨日在北京洲際酒店舉行亞洲發佈會，吸引中港台星馬近百傳媒到場採訪。曾經擔任過《中國新歌聲2》導師的Eason，昨日更得到不少好友拍短片祝賀，包括有周杰倫、庾澄慶、孫燕姿、蔡健雅、李榮浩、楊丞琳和竇靖童等。
十月懷胎出碟
今次Eason宣傳唱片，除在北京舉行記者會外，明天及後天將在旺角麥花臣體育館舉行兩場音樂會，他表示：「我唔理宣傳㗎，因為我都唔識，我只係識唱歌，好開心囉！因為我等呢隻碟等咗成十個月喇，好似十月懷胎咁，因為對上一隻廣東碟係15年出。」
提到麥花臣開騷，門票被炒黃牛，他表示：「少座位冇辦法㗎喇，不過麥花臣真係好正，對我嚟講好有意義，因為我記得自己喺第一間公司，啱啱出道無耐就喺麥花臣戶外球場嗰度搞咗一個音樂會，自己當時唱咗5首歌，我呢世都記住㗎喇，因為歌酬得6千蚊，對我嚟講都好多。」而明天的音樂會，除10首新歌外，也會唱廣東歌，愛唱歌的Eason笑言：「我都吊咗好耐癮。」
篤住魚蛋聽歌
問到Eason如今酬勞是不是收6千萬？他大笑說：「嘩！咁誇張？多謝你讚賞，你唔好咁講呀，一陣間稅局搵我㗎喇！」有記者問他會否有膽量在麥花臣戶外球場舉行個唱？他豪言：「點解唔夠膽呀？啲人喺對面街食住雪條、篤住魚蛋嚟聽都冇所謂，因為我希望帶啲娛樂畀屋企呢個地方。」
另外，Eason為宣傳新碟，與ViuTV合作拍音樂劇《短暫的婚姻》昨日播出，劇集以國語新歌連貫，他說：「因為今次同ViuTV合作，發現自己出道到依家都冇自己嘅音樂特輯，不過今次唔算，因為音樂特輯都係個零鐘，今次有5集，同好朋友Eric Kwok合作，都幾好玩。」
採訪、攝影：曾小嘉
十月懷胎出碟
今次Eason宣傳唱片，除在北京舉行記者會外，明天及後天將在旺角麥花臣體育館舉行兩場音樂會，他表示：「我唔理宣傳㗎，因為我都唔識，我只係識唱歌，好開心囉！因為我等呢隻碟等咗成十個月喇，好似十月懷胎咁，因為對上一隻廣東碟係15年出。」
提到麥花臣開騷，門票被炒黃牛，他表示：「少座位冇辦法㗎喇，不過麥花臣真係好正，對我嚟講好有意義，因為我記得自己喺第一間公司，啱啱出道無耐就喺麥花臣戶外球場嗰度搞咗一個音樂會，自己當時唱咗5首歌，我呢世都記住㗎喇，因為歌酬得6千蚊，對我嚟講都好多。」而明天的音樂會，除10首新歌外，也會唱廣東歌，愛唱歌的Eason笑言：「我都吊咗好耐癮。」
篤住魚蛋聽歌
問到Eason如今酬勞是不是收6千萬？他大笑說：「嘩！咁誇張？多謝你讚賞，你唔好咁講呀，一陣間稅局搵我㗎喇！」有記者問他會否有膽量在麥花臣戶外球場舉行個唱？他豪言：「點解唔夠膽呀？啲人喺對面街食住雪條、篤住魚蛋嚟聽都冇所謂，因為我希望帶啲娛樂畀屋企呢個地方。」
另外，Eason為宣傳新碟，與ViuTV合作拍音樂劇《短暫的婚姻》昨日播出，劇集以國語新歌連貫，他說：「因為今次同ViuTV合作，發現自己出道到依家都冇自己嘅音樂特輯，不過今次唔算，因為音樂特輯都係個零鐘，今次有5集，同好朋友Eric Kwok合作，都幾好玩。」
採訪、攝影：曾小嘉
回應 (0)
