新聞類別
娛樂
健康
詳情#
【蘋果日報】化妝大師陳文輝於本月4日中秋節，因肺癌病逝，享年80歲，其家人昨日於紅磡殯儀館為他設靈，今日出殯。靈堂橫匾寫上「德高望重」，選用了輝哥笑着的相片作靈堂照片，播着林子祥歌曲《真的漢子》，靈堂前放了輝嫂送的紅色心形花牌，旁邊是子孫的花牌。
曾留話想低調
在娛樂圈人緣極好的輝哥，有不少朋友及後輩都送上花牌致意，包括白雪仙、李香琴、鄭少秋、徐小鳳、汪明荃和羅家英、黎明、劉德華及陳寶珠等。輝哥長子志光、次子志達及孫兒嘉偉一同接受傳媒訪問，志達透露：「同屋企人、輝嫂商量過，爹哋意願係想低調，不過我哋作為子女，就覺得輝哥好多朋友想嚟送別佢最後一程。」
志達又謂：「覺得爸爸一生人有幾個階段，《真的漢子》表達佢其中一個性格，揀咗四首歌，其中一首係爹哋最鍾意嘅英文歌《My Way》，另外有《How Deep is Your Love》，講輝哥對太太、子孫、兄弟姊妹嘅愛都唔會偏心，最後一首講輝哥離開朋友，就揀咗《楚留香》。」
問有否聽過爸爸生前往事，志達說：「我同爸爸共事超過20年，覺得爹哋個人比較爽直，為人設想，桃李滿門，好多學生跟完輝哥之後，出去做嘢發展都好好。」
至於輝哥病榻時可有留下甚麼說話？志達說：「爹哋都好接受事實，一啲都唔悲觀。」可有心願未了？志達說：「都冇乜，仔女孫都大個，係有個曾外孫喺外國因為太細個返唔到嚟，其他都嚟齊，送別最後一程。」
李司棋講點滴
李司棋到場拜祭，她表示輝哥是絕頂聰明，待人處世亦令人敬重，她說：「輝哥都幫過我，佢教我應付某啲嘢態度，係我嘅另類老師。」問到輝哥是否曾為她出頭？司棋姐謂：「未係咁嚴重，但佢會幫我出聲。佢好有權威，有啲年輕人唔識，用咗閃粉，影響公司規格，輝哥會出聲指摘。」
家燕昨日離開靈堂時接受訪問，表示認識輝哥數十年，做童星已由輝哥化妝，直至拍《真情》再遇他。家燕又說：「有遺憾係六、七月知佢病想去探，但忙拍劇同自己都病，一直未去，好遺憾，希望佢一路好走。」
採訪：卓寶花
攝影：沈健程
曾留話想低調
在娛樂圈人緣極好的輝哥，有不少朋友及後輩都送上花牌致意，包括白雪仙、李香琴、鄭少秋、徐小鳳、汪明荃和羅家英、黎明、劉德華及陳寶珠等。輝哥長子志光、次子志達及孫兒嘉偉一同接受傳媒訪問，志達透露：「同屋企人、輝嫂商量過，爹哋意願係想低調，不過我哋作為子女，就覺得輝哥好多朋友想嚟送別佢最後一程。」
志達又謂：「覺得爸爸一生人有幾個階段，《真的漢子》表達佢其中一個性格，揀咗四首歌，其中一首係爹哋最鍾意嘅英文歌《My Way》，另外有《How Deep is Your Love》，講輝哥對太太、子孫、兄弟姊妹嘅愛都唔會偏心，最後一首講輝哥離開朋友，就揀咗《楚留香》。」
問有否聽過爸爸生前往事，志達說：「我同爸爸共事超過20年，覺得爹哋個人比較爽直，為人設想，桃李滿門，好多學生跟完輝哥之後，出去做嘢發展都好好。」
至於輝哥病榻時可有留下甚麼說話？志達說：「爹哋都好接受事實，一啲都唔悲觀。」可有心願未了？志達說：「都冇乜，仔女孫都大個，係有個曾外孫喺外國因為太細個返唔到嚟，其他都嚟齊，送別最後一程。」
李司棋講點滴
李司棋到場拜祭，她表示輝哥是絕頂聰明，待人處世亦令人敬重，她說：「輝哥都幫過我，佢教我應付某啲嘢態度，係我嘅另類老師。」問到輝哥是否曾為她出頭？司棋姐謂：「未係咁嚴重，但佢會幫我出聲。佢好有權威，有啲年輕人唔識，用咗閃粉，影響公司規格，輝哥會出聲指摘。」
家燕昨日離開靈堂時接受訪問，表示認識輝哥數十年，做童星已由輝哥化妝，直至拍《真情》再遇他。家燕又說：「有遺憾係六、七月知佢病想去探，但忙拍劇同自己都病，一直未去，好遺憾，希望佢一路好走。」
採訪：卓寶花
攝影：沈健程
回應 (0)
