新聞類別
娛樂
詳情#
【蘋果日報】【爆相爆片】周柏豪下月踏入33歲，去年11月結束十年愛情長跑，在布吉秘娶圈外女友Stephanie，快踏入結婚一周年，柏豪疑似造人成功，被讀者張小姐透過《蘋果》「爆相爆片」分享其妻肚凸凸的近照。
「唔覺肥咗」
日前讀者張小姐在電話表示，上周三在觀塘的麗東酒店偶遇柏豪夫婦跟友人午膳，柏豪老婆的胃口甚好：「嗰日大約下晝兩點半見到佢哋，食到差唔多4點先埋單走人，我見佢太太一邊食嘢，一邊同柏豪傾偈，反而柏豪就冇乜食嘢，多數係聽老婆講嘢。可能因為嗰陣係lunch時間，所以有啲避忌，走嗰陣都係前後腳咁傾偈，唔算好親密。」
不過，柏豪老婆站起身離去時，雖然着了鬆身恤衫，卻肚凸凸孕味甚濃，張小姐說：「睇落最少有咗四、五個月。」本報致電恭喜柏豪，他卻否認老婆大肚：「唔係啦，可能佢着啲衫大大件件，依家潮流係興所有嘢都大件嘛。」問到老婆是否幸福肥？他說：「幸福就梗啦，但肥咗就唔係好覺，所以冇咁嘅事，多謝大家關心。」有否計劃何時造人？柏豪表示：「做好自己嘢再諗，呢啲真係要睇緣份。」
儲奶粉錢
柏豪坦言很少時間在港，每個月都要返內地做一至兩場巡唱，現時又要拍電視劇，他說：「真係想爭取多啲時間做好工作先，令到日後所有條件、環境都更加扎實先進行呢樣嘢。」問到是否要儲粉奶錢？他說：「係啦！奶粉錢又儲，乜嘢都要儲，唔心急生BB。」
採訪：皓騫、唐心悠
「唔覺肥咗」
日前讀者張小姐在電話表示，上周三在觀塘的麗東酒店偶遇柏豪夫婦跟友人午膳，柏豪老婆的胃口甚好：「嗰日大約下晝兩點半見到佢哋，食到差唔多4點先埋單走人，我見佢太太一邊食嘢，一邊同柏豪傾偈，反而柏豪就冇乜食嘢，多數係聽老婆講嘢。可能因為嗰陣係lunch時間，所以有啲避忌，走嗰陣都係前後腳咁傾偈，唔算好親密。」
不過，柏豪老婆站起身離去時，雖然着了鬆身恤衫，卻肚凸凸孕味甚濃，張小姐說：「睇落最少有咗四、五個月。」本報致電恭喜柏豪，他卻否認老婆大肚：「唔係啦，可能佢着啲衫大大件件，依家潮流係興所有嘢都大件嘛。」問到老婆是否幸福肥？他說：「幸福就梗啦，但肥咗就唔係好覺，所以冇咁嘅事，多謝大家關心。」有否計劃何時造人？柏豪表示：「做好自己嘢再諗，呢啲真係要睇緣份。」
儲奶粉錢
柏豪坦言很少時間在港，每個月都要返內地做一至兩場巡唱，現時又要拍電視劇，他說：「真係想爭取多啲時間做好工作先，令到日後所有條件、環境都更加扎實先進行呢樣嘢。」問到是否要儲粉奶錢？他說：「係啦！奶粉錢又儲，乜嘢都要儲，唔心急生BB。」
採訪：皓騫、唐心悠
回應 (0)
