新聞類別
娛樂
詳情#
【蘋果日報】現年57歲患有抑鬱狂躁症、曾跟劉鑾雄前妻寶詠琴相戀的前DJ洪朝豐，早前因舌頭不停發炎含膿，傷口久未癒合求醫，接受第二次切片檢查，昨日化驗結果確診患了舌癌！四出求醫的他於昨午到油麻地睇中醫，逗留至4時許離開，精神飽滿的他，接受傳媒訪問時放輕聲線說：「今日經醫生正式確診患咗舌癌，主要範圍喺脷底近牙肉地方，脷面都有少少，尤其脷底近牙肉地方夾雜黃色嘅膿，依家講嘢、食嘢、飲嘢、吞口水、唱歌都痛。」
有機會遺傳
雖然生活受影響，幸洪朝豐暫未有消瘦：「都係65kg，不過明日再要去照超聲波同磁力共振，下星期先知報告，知道自己第幾期，醫生先可判斷到用乜療法。醫生話有機會係遺傳，因為爸爸曾經患過鼻咽癌，三年後再患肺癌，同埋自己覺得另一個原因，係我長時間憂傷，因為媽媽由95年開始患上老人癡呆，當時我35歲，佢病咗17年，最後仲唔認得我，到佢5年前過身，足足長達22年，我都係咁憂傷，成日都掛住佢，可能呢個原因都有關。」
已通知兒子
之後洪朝豐眼望上天說：「我阿媽在天之靈，想阿媽知道，唔好擔心，我好有信心。其實報告未出之前，我已經打定輸數，就算今次唔係，始終都係病變咗，依然有危險性，今朝聽報告時，個心好平靜。」他指已通知在外國的兒子，但不用對方返港陪伴：「我行得走得，唔需要人照顧。」問到可擔心醫藥費？他說：「暫時睇政府醫生，唔係大數目，加上我有工作積蓄，同學朋友都問有冇需要，隨時可借錢畀我，我話冇需要。」問到有否圈中人問候？他說：「陳芷菁、鍾慧冰都有問候我，尤其芷菁好有心，介紹好多保健產品畀我，冰姐仲話介紹啲人畀我識。」
採訪、攝影：曹家誠、吳耀輝、孔志豪
有機會遺傳
雖然生活受影響，幸洪朝豐暫未有消瘦：「都係65kg，不過明日再要去照超聲波同磁力共振，下星期先知報告，知道自己第幾期，醫生先可判斷到用乜療法。醫生話有機會係遺傳，因為爸爸曾經患過鼻咽癌，三年後再患肺癌，同埋自己覺得另一個原因，係我長時間憂傷，因為媽媽由95年開始患上老人癡呆，當時我35歲，佢病咗17年，最後仲唔認得我，到佢5年前過身，足足長達22年，我都係咁憂傷，成日都掛住佢，可能呢個原因都有關。」
已通知兒子
之後洪朝豐眼望上天說：「我阿媽在天之靈，想阿媽知道，唔好擔心，我好有信心。其實報告未出之前，我已經打定輸數，就算今次唔係，始終都係病變咗，依然有危險性，今朝聽報告時，個心好平靜。」他指已通知在外國的兒子，但不用對方返港陪伴：「我行得走得，唔需要人照顧。」問到可擔心醫藥費？他說：「暫時睇政府醫生，唔係大數目，加上我有工作積蓄，同學朋友都問有冇需要，隨時可借錢畀我，我話冇需要。」問到有否圈中人問候？他說：「陳芷菁、鍾慧冰都有問候我，尤其芷菁好有心，介紹好多保健產品畀我，冰姐仲話介紹啲人畀我識。」
採訪、攝影：曹家誠、吳耀輝、孔志豪
回應 (0)
