女生宿舍兩個留港兩個返內地陳美詩結埋婚

【蘋果日報】梁靖琪（Toby）04年同陳美詩、廖雋嘉，以及張曼伶組成過組合「女生宿舍」，呢個組合曇花一現，只係出道咗兩年就解散。喺呢兩年入面，四個女仔拍網劇《金甲蟲探偵學院》，之後又出咗一張唱片《Life is Beautiful》，四個人又有本同名嘅寫真集。
解散之後，Toby繼續留喺娛樂圈，跟隨爸爸梁家樹同媽媽蕭笑鳴加入大台拍劇，直到上年先完約，打理婚紗店兼考埋健身教練牌。
陳美詩都留喺娛樂圈發展，一樣係加入大台，08年拍劇仲撻著孫耀威，拍咗兩年拖先證實戀情。佢哋今年4月於美國註冊結婚。
剩低兩個成員，張曼伶完全退出娛樂圈做埋人母，現時喺內地轉型做節目主持人，陳美詩結婚都有帶埋阿女一齊觀禮。而廖雋嘉加入女生宿舍之前喺廣州星海音樂學院畢業，女生宿舍解散後返咗內地做獨立歌手。