新聞類別
娛樂
詳情#
【蘋果日報】影帝劉青雲昨日以Now TV第四季節目巡禮宣傳大使身份出席記招，並以大使身份啟動「又點播」第二浪宣傳活動。青雲出場之前，大會安排了一位小朋友扮「小童青雲」，在台上青雲搞鬼同小朋友講：「唔返學『又點播』。」
做Now TV大使
青雲在台上獲贈一套4款，不同造型的郵票，之後司儀問到青雲如何減壓時，青雲說：「搵人鬧囉！不過呢個我好少用，自己會揀睇戲，冇話有乜嘢特別類型嘅戲係唔睇嘅，但係會特別支持本地電影。」他透露現在都有收看美劇。他接受訪問時表示今次做Now TV大使很好玩，因為宣傳片拍攝手法輕鬆，適合一向鬼馬的自己。平日不開工時，青雲會找戲看：「其實係鍾意去戲院睇戲，不過有時又未必趕得切入戲院，譬如喺屋企食完飯，就開住揀戲嚟睇，咁真係方便，又舒舒服服，試過一日可以睇兩、三套，乜嘢國家，乜嘢類型都睇。」他笑言看戲時會完全放鬆，只會用觀眾身份簡簡單單去欣賞。
少睇自己作品
談到最喜愛重看的電影，他直言是兩位殿堂級導演的作品《教父》及《的士司機》，他說：「以前喺電視台做，落咗妝就會撳着個錄影機，裏面有啲乜嘢戲就會睇，即係睇到自己瞓着為止，我記得多數係睇《教父》同《的士司機》，嗰陣睇到識背。」反而很少重看自己的作品，因為要留待退休在老人院時慢慢看：「仲唔會睇，等我退休喇！住老人院，冇嘢做嘅時候睇，到時自己會更加客觀同清晰去睇自己做成點。同老婆郭藹明喺屋企都唔會爭戲睇，因為大家口味都差唔多，都係乜都睇。」
另外，青雲認同新一代習慣上網看戲，會影響到免費電視台及電影業，但這是社會進步的代價，自己仍然鍾情大銀幕，因為電話螢幕實在太細。
採訪：黃曉妍
攝影：沈健程
做Now TV大使
青雲在台上獲贈一套4款，不同造型的郵票，之後司儀問到青雲如何減壓時，青雲說：「搵人鬧囉！不過呢個我好少用，自己會揀睇戲，冇話有乜嘢特別類型嘅戲係唔睇嘅，但係會特別支持本地電影。」他透露現在都有收看美劇。他接受訪問時表示今次做Now TV大使很好玩，因為宣傳片拍攝手法輕鬆，適合一向鬼馬的自己。平日不開工時，青雲會找戲看：「其實係鍾意去戲院睇戲，不過有時又未必趕得切入戲院，譬如喺屋企食完飯，就開住揀戲嚟睇，咁真係方便，又舒舒服服，試過一日可以睇兩、三套，乜嘢國家，乜嘢類型都睇。」他笑言看戲時會完全放鬆，只會用觀眾身份簡簡單單去欣賞。
少睇自己作品
談到最喜愛重看的電影，他直言是兩位殿堂級導演的作品《教父》及《的士司機》，他說：「以前喺電視台做，落咗妝就會撳着個錄影機，裏面有啲乜嘢戲就會睇，即係睇到自己瞓着為止，我記得多數係睇《教父》同《的士司機》，嗰陣睇到識背。」反而很少重看自己的作品，因為要留待退休在老人院時慢慢看：「仲唔會睇，等我退休喇！住老人院，冇嘢做嘅時候睇，到時自己會更加客觀同清晰去睇自己做成點。同老婆郭藹明喺屋企都唔會爭戲睇，因為大家口味都差唔多，都係乜都睇。」
另外，青雲認同新一代習慣上網看戲，會影響到免費電視台及電影業，但這是社會進步的代價，自己仍然鍾情大銀幕，因為電話螢幕實在太細。
採訪：黃曉妍
攝影：沈健程
回應 (0)
