信置聖誕送禮 買樓請你擦餐勁

【明報專訊】歌仔都有得唱：「又到聖誕、又到聖誕……」，仲有一個禮拜就到普天同慶嘅聖誕節，今年賣樓成績不俗嘅信置（0083），表明會喺佳節期間如常開門做生意，佢哋旗下4個「半新盤」——烏溪沙銀湖天峰、大埔承峰、火炭御龍山，同埋上水雙魚河Goodwood Park，都會提供聖誕優惠；買家即日起到明年1月3日期間，買咗這4個樓盤嘅單位，可以獲贈價3888元既信置酒店餐飲禮券，令買家同親友可以在假期內擦番餐。

買旗下4盤 送3888元酒店禮券

講番今年全年嘅賣樓成績，信置嘅成績表亦算亮麗；據小琴打探，信置今年憑開售奧運站帝峯皇殿、承峰等主要新盤，連同其他餘貨，總共賣咗逾1200個單位，套現總額逾150億元，以套現總金額而言，排名第3。至於冠軍就係新地（0016），佢哋今年嘅賣樓套現額估計超過350億元，而長實（0001）則排第2，估計賣樓套現額逾250億元。