內房綠地到處起高樓 財力惹質疑

【明報專訊】上海綠地集團如今幾乎成為內地嘅超高層建築專業戶。450米高嘅南京綠地廣場，400米高嘅山東第一高樓，300米高嘅南昌中央廣場雙子塔均在其名下。本月初，綠地已喺武漢動工興建一幢606米高嘅超高層建築，高度僅次於上海中心大廈，將成為內地第二高樓。

方案一出，網上非議衆多，武漢人都係擔憂會唔會成為危樓或者質疑呢啲係面子工程。然而，小琴最感驚訝嘅係綠地嘅財力。

54億買完地王 又聲言投資300億

上月底，綠地集團以53.98億元嘅地價拍下地王，接住又大張旗鼓要投資300億。噚日，綠地相關人士回應小琴，話300億係發展300萬平方米面積，其中高樓只佔30萬平方米，但被問及高樓造價究竟係幾多？就話建築方案仍在國際投標，並無最終定價。她更話畀小琴知，由於主要是發展成商業物業，只有三到四成樓面可以出售，其他都是自留。講到財力咁強，難怪惹人質疑。