【男共女的事】分手遺物點處置？港女話要燒相燒埋部電腦

【蘋果日報】分手之後，發覺成間房都係前度嘅野，情侶鞋、情侶公仔、仲有好多sweet爆合照.....俾人飛嗰位見到分手遺物真係心都酸埋，飛人嗰位可能相反，見到都眼冤兼嫌阻地方。如果望住啲愛情遺物會睹物思人，但又唔忍心親手將佢地放入垃圾桶，唔通真係要開個地攤賣畀街坊？


第三集《男共女的事》，我哋就問吓大家，會唔會收埋前度嘅定情信物。對於答咗會嘅巴絲，我哋問多個問題：係咪你哋嘅另一半都可以keep住前度嘅野先？


Danny：「睇吓啱唔啱用喇，啱用咪留低囉。」


Mary：「我以前有個男朋友同我講番，佢女朋友丟哂我啲嘢，可能係妒忌我！」

Marco：「我會丟咗佢，望到會唔開心呀。」


Lavin：「我會燒晒啲相！（電腦都燒埋？）燒埋！」

Vendela：「keep番囉，回憶嚟㗎嘛。」


鄭先生：「擺側邊，得閒望吓，當提點吓自己。」


阿晞：「我收得好好㗎！人人都有一個秘密地方可以收埋嘅。」


為咗好好埋葬每段愛情嘅回憶，原來唔少受訪者都話自己有個秘密地方，放住前度嘅「遺物」。想知佢地收埋喺邊？快啲去片！


男共女的事，而家問都未遲。快啲留言話我哋聽仲有咩男女嘅事想知喇！


採訪：吉吉、RachelBee

拍攝：Neo