左手受傷被逼截肢James上載「新」歌圓歌手夢

【蘋果日報】韓國樂團Royal Pirates嘅29歲前成員James因一次意外令佢左手受傷而需要截肢，佢更被逼放棄彈結他，令唔少網民都為佢大感難過，仲留言叫佢唔好放棄。


而James喺本月頭曾更新Instagram，透露會有重要決定，叫網民要陪住佢行動。而到前日James上載咗一張彈緊結他嘅相，拍照當時佢左手仲未截肢，佢留言話上載咗一首「新」歌到雲端，首歌喺佢發生意外前已經寫咗一部份，James重新混音係想記住首歌係點。


James話喺佢手被壓碎之前，佢好沈迷做低音結他手，現時佢要沈迷其他東西。佢又提議大家要聽一聽，因為這就是佢真正想玩嘅音樂。而佢留言亦獲得唔少網民為佢打氣，就連女團f(x)嘅Amber都有留言叫James亦都應該公開佢哋做嘅歌。


睇嚟James之前話嘅重要決定就應該係想繼續做音樂，雖然佢左手已截肢，但似乎佢都打算放棄追求音樂嘅夢想。