【馮仁昭四圍超】黃心美拖男友　冰島公開戀情

【蘋果日報】任職ViuTV嘅35歲黃心美，前年同台灣丈夫Thomas離婚後，有傳佢同保釣烈士陳毓祥囝囝陳安立拍拖，之後又見佢同四眼男撐枱腳，雖然佢否認，但異性緣勁旺。
前晚，心美終承認有新戀情，去咗冰島旅行嘅佢，喺Instagram貼咗張同男仔拖住手睇日落嘅相，雖然只睇到身影，完全唔見樣，但相當浪漫。
陳安立：佢甜到漏
噚日問陳安立係咪相中人？佢透過短訊回覆：「我人在香港，今日仲拍緊ViuTV節目，有不在場證據。雖然高度相若，但睇背影應該大隻過我。」佢又話：「之前都知知哋佢拍拖，最近佢春風滿面，甜到漏啦，我一直當佢係家姐，所以都戥佢好開心。」
心美妹妹黃心穎噚日被問到家姐公開戀情，佢話：「唔知點解佢要咁神秘，我唔方便代佢答。但身為妹妹梗係開心，有人照顧佢。」原來心美同家姐兩pair人去冰島，問點解唔同馬國明join埋？心穎話：「大家都忙，根本冇時間見面。」
撰文：馮仁昭