王君馨進軍時裝界孖大隻男中環名店取經

【蘋果日報】暫未成功置業的王君馨，日前就撇低老公約大隻造型師Marco到中環睇靚衫，當日所見，王君馨跟大隻男先到中環置地廣場的Saint Laurent，她看中一件黑色西裝褸，心急地在鏡前脫下外套試穿，由於外套內只穿黑色小背心，誘人身材呼之欲出。王君馨與大隻男之後再轉到ifc，其間撞見袁詠儀，兩女相擁寒暄後，各自行街。王君馨與大隻男入了一間時裝店睇晚裝，男方在旁給予意見，但最終都空手而回。


搞時裝生意

王君馨指大隻男是stylist兼生意拍檔Marco，因有意於年底或明年初搞時裝生意，王君馨前日說：「嗰日我哋開完會周圍行吓，我件婚紗係Marco幫我設計，佢啲衫好貴，幾萬蚊一件，我想佢啲talent可以畀普羅大眾都買到。」王君馨解釋身形時肥時瘦：「其實我冇肥過，仲瘦咗好多，次次俾人影到都係着鬆身衫。」


採訪、攝影：嵐山、羅德光