姜皓文塞錢畀警察開車

【蘋果日報】姜皓文（黑仔）和老婆殷寧（原名金慧英）最近去馬來西亞檳城度假，慶祝生日及結婚周年紀念。到埗首天兩人租車外遊，即因違泊被鎖車，黑仔前日在facebook貼相，留言：「檳城違例泊車被鎖，阿Sir，畀次機會。」今天是殷寧48歲生日，明天是結婚18周年紀念日，後日就是黑仔的51歲生日，每年都會去旅行慶祝，今年亦不例外。


黑仔昨日接受訪問說：「租車同朋友去大排檔食飯，當時自拍緊，聽到大排檔有人嗌抄牌，即刻衝出去，架車已經俾警察鎖咗。橫掂都鎖咗，咪影埋相自娛囉！架車真係泊喺我哋食飯隔籬，鎖咗都唔知。仲發生咗個笑話，當時我聽到當地人講，塞錢畀警察就搞掂，原來係交50蚊馬幣罰款開鎖。」


採訪：葉綠悠