【馮仁昭四圍超】初戀後冇着落《出貓》明詩單身5年

【蘋果日報】泰國校園電影《出貓特攻隊》喺香港票房大收，打破《人妖打排球》17年前創下香港最高泰片票房紀錄，相當巴閉！戲中飾演「明詩」嘅21歲索女依莎亞賀素雲（Oom）早前獲邀來港出席活動，並接受本報專訪。
讚米雪好靚
笑容甜美嘅Oom直言增加不少賺錢機會：「開頭拍嘅時候唔知迴響咁大，喺泰國好收視，已經好開心，依家好似有一個bonus。」Oom喺大學讀裝置藝術系四年級，佢話：「喺我細個時候，媽咪好鍾意睇米雪嘅劇集，我覺得佢好靚，知道佢係香港出色嘅演員，當然希望同佢合作。」
提到戀愛經歷，Oom毫無保留同大家分享，16歲初戀後就一直單身：「最緊要兩個人嘅心可以聯繫到，我會鍾意男仔有唔同嘅天賦，例如喺電影入面嘅賓爺，佢讀書好叻，因為自己唔叻，所以會欣賞。」
撰文：馮仁昭