開騷多得倪震？周慧敏：佢唔阻止我已經係最大嘅支持

【蘋果日報】今次開紀念騷，周慧敏考慮了幾個月才決定，最初不敢告知老公倪震：「30周年係好唔簡單一件事，呢啲咁heavy嘅表演都係倒數囉，冇可能永遠有魄力做香港演唱會。其實佢唔阻止我做呢個騷，已經係最大嘅支持，佢話我去到呢個stage，做啲輕鬆啲嘢，有壓力嘅辛苦嘢就唔好做。我係嚴厲嘅人，安排好多訓練操好自己，好似做gym、上聲樂課。」
接受優雅變老
當年兩人由分到婚，經歷很多高低起跌，她說：「我嘅婚姻生活，支持我嘅力量嚟嘅，我有一個好充滿愛嘅家庭，喺嗰度吸收energy。佢影響咗我喺運動方面，近年覺得佢好弗呀，我都要努力做運動，做咗成個人輕晒，感覺自己年輕咗。」下月就「入五」，她笑說：「數字真係唔係乜嘢問題，ageing呢樣嘢好自然，我會接受將來優雅地成為老人家。」