新聞類別
娛樂
詳情#
【蘋果日報】【我老公係發哥連載系列之1 喪女之痛】周潤發與太太陳薈蓮（發嫂）現時膝下無子女，大家若有留意新聞，應該知道兩人在91年曾經歷喪女之痛，兩人將把對小孩的愛轉化為救濟弱勢社群，不過做得低調，鮮為人知。《蘋果》特別邀請了鮮有接受傳媒專訪的發嫂，由她親述花7年時間走出喪女之痛後，與發哥如何將傷痛化為大愛，更積極面對人生和回饋社會，並帶給大眾一個正面訊息。
民間特首周潤發，雖然巨星，但銀幕下平易近人，太太陳薈蓮秉承其親民態度，同樣深得民心。最近發嫂接受《蘋果》專訪，《蘋果》即時娛樂及「娛果」由昨日開始，一連三周逢周一至周五，將推出15集獨家連載專訪。
頭炮發嫂首談此生最遺憾的喪女之痛，與發哥結婚5年後，91年懷孕9個多月的發嫂，在臨盆前一星期，女兒因臍帶纏頸胎死腹中。最後發嫂選擇了自然分娩，產後護士迅速抱走孩子，因為發哥不想妻子見到而再受打擊，但發嫂最後自己也看了。發嫂相隔16年訴說這段往事，仍哽咽道：「因為個BB嗰晚喺肚入面冇乜動靜……突然間我問我老公，『做乜個女今日咁乖，唔踢我個肚呢？』當時距離預產期只有一星期。」
發嫂覺得不對勁，翌日起來就去看醫生，她憶述：「第二日落好大雨，老公陪住我去旺角睇醫生，當時我地澗住水，雨水嚟到膝頭哥，入到診所，做了初步檢查，醫生冇同我講乜，只係話，『要入院。』我睇到醫生表情，好似有少少唔妥，但我唔知乜嘢事。我覺得有少少問題，但我冇諗到咁壞。於是我老公就帶我去醫院。」
堅持經歷順產
憂心忡忡的發嫂，由發哥陪同去醫院，車程雖很短，但她如墮五里霧中，心裏一直祈禱不想囡囡出事：「去到法國醫院，scan晒所有嘢。嗰啲姑娘同埋醫生，個表情都畀我知道，有一啲嘢唔係幾好，係好大件事㗎喇。」發嫂抹了抹鼻、看了一下天，續說：「佢（醫生）就叫我老公入嚟：『不如你自己同你老婆講。』」
發嫂頓了頓續說：「老公同我講，『醫生話，不如開刀啦。』」因為胎死腹中，醫生建議剖腹取出死胎，但發嫂拒絕了，她回憶當時說：「我講，我唔要（開刀）。醫生姑娘全部好sad，唔肯講畀我聽。因為唔想我經歷呢件事，因為BB死咗喺入面。但我話，『無論如何，我點都要經過呢個過程，我都陀咗咁耐啦。』」最後在發嫂堅持下自然分娩，女兒是因臍帶纏頸而胎死腹中，產後護士抱走孩子，因為發哥不想妻子見到再受打擊，但最後發嫂堅持要見女兒第一面也是最後一面。
化大愛助弱勢
發嫂用力地唞大氣，望向另一邊，避開鏡頭，再次憶述一生最痛，但已忍不住流下淚來：「佢（發哥）就……晚晚陪住我囉……但係我好……嗰刻呢，我唔知做乜嘢，我冇喊，我冇喊。」她聲線微顫道：「我喺腦中只有一句說話，『做乜係我？』做乜呢單嘢要發生喺我身上？我要等到7年，甚至乎等到7年之後，我至明白個道理。時至今日，我依然會諗起個女」發嫂是經過整整7年才逐漸走出傷痛。至今兩人膝下無兒女，其實不難理解，但夫妻倆將這份喪女之痛化成大愛，努力回饋社會，更經常私底下去捐錢或出力幫助弱勢社群。
採訪：陳月媚、倩宜
協力：林德雄
化妝：Fiona To 髮型：Byron Ho、Louis
場地提供：香港嘉里酒店
民間特首周潤發，雖然巨星，但銀幕下平易近人，太太陳薈蓮秉承其親民態度，同樣深得民心。最近發嫂接受《蘋果》專訪，《蘋果》即時娛樂及「娛果」由昨日開始，一連三周逢周一至周五，將推出15集獨家連載專訪。
頭炮發嫂首談此生最遺憾的喪女之痛，與發哥結婚5年後，91年懷孕9個多月的發嫂，在臨盆前一星期，女兒因臍帶纏頸胎死腹中。最後發嫂選擇了自然分娩，產後護士迅速抱走孩子，因為發哥不想妻子見到而再受打擊，但發嫂最後自己也看了。發嫂相隔16年訴說這段往事，仍哽咽道：「因為個BB嗰晚喺肚入面冇乜動靜……突然間我問我老公，『做乜個女今日咁乖，唔踢我個肚呢？』當時距離預產期只有一星期。」
發嫂覺得不對勁，翌日起來就去看醫生，她憶述：「第二日落好大雨，老公陪住我去旺角睇醫生，當時我地澗住水，雨水嚟到膝頭哥，入到診所，做了初步檢查，醫生冇同我講乜，只係話，『要入院。』我睇到醫生表情，好似有少少唔妥，但我唔知乜嘢事。我覺得有少少問題，但我冇諗到咁壞。於是我老公就帶我去醫院。」
堅持經歷順產
憂心忡忡的發嫂，由發哥陪同去醫院，車程雖很短，但她如墮五里霧中，心裏一直祈禱不想囡囡出事：「去到法國醫院，scan晒所有嘢。嗰啲姑娘同埋醫生，個表情都畀我知道，有一啲嘢唔係幾好，係好大件事㗎喇。」發嫂抹了抹鼻、看了一下天，續說：「佢（醫生）就叫我老公入嚟：『不如你自己同你老婆講。』」
發嫂頓了頓續說：「老公同我講，『醫生話，不如開刀啦。』」因為胎死腹中，醫生建議剖腹取出死胎，但發嫂拒絕了，她回憶當時說：「我講，我唔要（開刀）。醫生姑娘全部好sad，唔肯講畀我聽。因為唔想我經歷呢件事，因為BB死咗喺入面。但我話，『無論如何，我點都要經過呢個過程，我都陀咗咁耐啦。』」最後在發嫂堅持下自然分娩，女兒是因臍帶纏頸而胎死腹中，產後護士抱走孩子，因為發哥不想妻子見到再受打擊，但最後發嫂堅持要見女兒第一面也是最後一面。
化大愛助弱勢
發嫂用力地唞大氣，望向另一邊，避開鏡頭，再次憶述一生最痛，但已忍不住流下淚來：「佢（發哥）就……晚晚陪住我囉……但係我好……嗰刻呢，我唔知做乜嘢，我冇喊，我冇喊。」她聲線微顫道：「我喺腦中只有一句說話，『做乜係我？』做乜呢單嘢要發生喺我身上？我要等到7年，甚至乎等到7年之後，我至明白個道理。時至今日，我依然會諗起個女」發嫂是經過整整7年才逐漸走出傷痛。至今兩人膝下無兒女，其實不難理解，但夫妻倆將這份喪女之痛化成大愛，努力回饋社會，更經常私底下去捐錢或出力幫助弱勢社群。
採訪：陳月媚、倩宜
協力：林德雄
化妝：Fiona To 髮型：Byron Ho、Louis
場地提供：香港嘉里酒店
回應 (0)
