沈卓盈揀大師級「爸爸」　黑絲KOL買平價打底褲

【蘋果日報】女人天性好簡單，一個字講晒，靚！無論外定內，都要合自己心意，先會着得開心。陳嘉容就完美示範，無論有幾多喺眼前，唔啱心水嘅服飾，一件都唔買。
好似黃依汶咁，04年佢喺銅鑼灣行街買內衣，對店員推介嘅性感款式不為所動，反而鍾意印有卡通獅子、豬仔圖案嘅內衣，連帶睡衣都係揀有獅子圖案嘅。
江美儀係黑絲界KOL，最近拍埋豐胸廣告，上圍升cup之餘，仲收咗7位數字酬金。除咗黑絲，江美儀仲需要一樣裝備－打底褲。上年《蘋果》就見過佢帶愛犬行街，去到渣甸坊仲入店仔搵打底褲，但最後一條都冇入手。
沈卓盈有名你叫「沈大師」，都知佢有份量。舊年3月佢買完日用品，就揸車去到中環買bra，佢淨係注視淺色普通喱士款，但幾乎全數都係大師級，熟晒門路嘅沈卓盈，用咗45分鐘就買到一袋戰利品。
同陳嘉容一樣係名模嘅貝安琪，今年2月為男友Simon誕下囝囝Sebastian。上個月貝安琪湊住阿仔睇bra，見佢隨手拎咗幾個保守款式襯一襯就埋單，佢就解釋生完BB之後升cup，要換番啲啱size喎。