Chaumet婚戒曝光喬妹7萬花球貴過鑽戒

【蘋果日報】雙宋婚禮，韓國演藝圈眾星雲集，陣容強過頒獎禮；而中港台方面，則數章子怡最有心，早早到賀。
章子怡在微博分享和一對新人的合照，亦意外地令喬妹的婚戒曝光。宋慧喬的結婚戒指來自法國Chaumet出品，採用18k白金鑲鑽款式，要價約$31,500。對比兩人身家，當然乃平實之選。不過，這枚戒指屬於Chaumet旗下的Bee My Love系列，系列以蜂巢的六角形為主，設計簡約中有細節，而Bee My Love也有「be my love」的同音喻意，單聽名字也sweet爆。
除咗婚戒有喻意之外，喬妹連花球都有意思。今次喬妹嘅花球用咗鈴蘭花，花語係「幸福一定會到來」，不過韓國並冇鈴蘭花，必須從外國進口，普通嘅鈴蘭花花球最少要價100萬韓圜（約7,000港元)，而酒店準備嘅花球就更貴，預計要1,000萬韓圜（約7萬港元）。喬妹嘅花球仲貴過婚戒，相信接到花球嗰位賓客一定非常幸福。