新聞類別
娛樂
詳情#
【蘋果日報】【我老公係發哥連載系列之3 攻陷芳心】周潤發在80年代已經紅遍東南亞，成為萬千少女的偶像。當時沒有人想到他會迎娶一位來自新加坡的圈外女子，到底發哥的老婆陳薈蓮有甚麼魔力呢？發嫂最近接受本報連載專訪，第3回她和大家分享一下當年兩人的戀愛史，原來發哥一招每日越洋一電、一張明信片終於把發嫂芳心攻陷。
到底發哥和發嫂的相識經過如何？且聽發嫂細說：「好好笑喎呢單嘢，因為我有個朋友成日晒冷、講佢識周潤發、又話同周潤發出街喎！咁我就同佢講，你識周潤發吖嘛，咁第日佢嚟嘅話，你就介紹畀我哋識啦！」
朋友介紹酒店一見
其實當時發嫂就以為這個朋友吹水居多，根本沒放在心上，想也沒想過有日真的收到朋友來電：「周潤發嚟到新加坡，住喺新加坡香格里拉大酒店，我同你去見佢啦！」發嫂表示：「當日我真係見到周潤發喇！嗰刻林嶺東同周潤發一齊落嚟，就係咁樣開始囉！」
問發嫂為何後來可以發展成情侶？她淡然說：「冇刻意去拍拖，係做朋友咋。之後介紹我哋認識嘅朋友同我送咗周潤發上機！咁啱我喺office就嚟要離開，有個電話入嚟，嗰個就係周潤發。佢同我講『你可以陪我食飯冇？我上唔到機。』因為喺曼谷轉機嗰度冇位，佢要停留一日，咁我咪同佢出去食飯囉。」
晚飯翌日踢拖送機
發哥和發嫂在新加坡首次約會吃完晚飯後，翌日一早發嫂就去機場送發哥機：「頭都冇梳，着短褲踢對拖鞋就送周潤發上機，就喺嗰次之後，佢返到香港就日日call我喇，日日一張postcard寄畀我，就係咁樣開始。」
問到明信片內容寫甚麼？發嫂甜笑說：「佢幾幽默嘅，有時寫嗰啲嘢好簡單，但內容唔記得喇，好耐喇，太多喇！好大叠㗎，依家全部放喺新加坡屋企。」問發嫂是否已感受到發哥在追求？她嘟嘴想了想說：「應該係啩……佢日日send卡喎，日日打電話喎。有時出街，要走返嚟聽電話喎！」
發嫂又直指當年發哥追求時，其實同時有其他追求者：「我有幾個朋友……男朋友㗎嘛！但最後揀咗周潤發，唔係因為佢係大明星，係我感覺到佢係一個好男人，同佢一齊我會得到幸福，結果我都冇揀錯。」
採訪：陳月媚、倩宜
協力：林德雄
化妝：Fiona To
髮型：Byron Ho、Louis
場地提供：香港嘉里酒店
到底發哥和發嫂的相識經過如何？且聽發嫂細說：「好好笑喎呢單嘢，因為我有個朋友成日晒冷、講佢識周潤發、又話同周潤發出街喎！咁我就同佢講，你識周潤發吖嘛，咁第日佢嚟嘅話，你就介紹畀我哋識啦！」
朋友介紹酒店一見
其實當時發嫂就以為這個朋友吹水居多，根本沒放在心上，想也沒想過有日真的收到朋友來電：「周潤發嚟到新加坡，住喺新加坡香格里拉大酒店，我同你去見佢啦！」發嫂表示：「當日我真係見到周潤發喇！嗰刻林嶺東同周潤發一齊落嚟，就係咁樣開始囉！」
問發嫂為何後來可以發展成情侶？她淡然說：「冇刻意去拍拖，係做朋友咋。之後介紹我哋認識嘅朋友同我送咗周潤發上機！咁啱我喺office就嚟要離開，有個電話入嚟，嗰個就係周潤發。佢同我講『你可以陪我食飯冇？我上唔到機。』因為喺曼谷轉機嗰度冇位，佢要停留一日，咁我咪同佢出去食飯囉。」
晚飯翌日踢拖送機
發哥和發嫂在新加坡首次約會吃完晚飯後，翌日一早發嫂就去機場送發哥機：「頭都冇梳，着短褲踢對拖鞋就送周潤發上機，就喺嗰次之後，佢返到香港就日日call我喇，日日一張postcard寄畀我，就係咁樣開始。」
問到明信片內容寫甚麼？發嫂甜笑說：「佢幾幽默嘅，有時寫嗰啲嘢好簡單，但內容唔記得喇，好耐喇，太多喇！好大叠㗎，依家全部放喺新加坡屋企。」問發嫂是否已感受到發哥在追求？她嘟嘴想了想說：「應該係啩……佢日日send卡喎，日日打電話喎。有時出街，要走返嚟聽電話喎！」
發嫂又直指當年發哥追求時，其實同時有其他追求者：「我有幾個朋友……男朋友㗎嘛！但最後揀咗周潤發，唔係因為佢係大明星，係我感覺到佢係一個好男人，同佢一齊我會得到幸福，結果我都冇揀錯。」
採訪：陳月媚、倩宜
協力：林德雄
化妝：Fiona To
髮型：Byron Ho、Louis
場地提供：香港嘉里酒店
回應 (0)
