新聞類別
娛樂
詳情#
【蘋果日報】個個都用IG，唔通個個都肯show佢個IG？本住實事求是嘅心態，《蘋果》嚟個街頭實測，睇吓究竟有冇人肯野外露出IG頭像相，又夠唔夠膽自認有P圖。雖則有人耍手擰頭，但都搵到班勇士接受挑戰。想知道佢哋嘅頭像同本體有幾大分別？咁就要去片喇。
提到P圖，正當絕大部分人都宣稱自己IG嘅相只有執吓顏色、間中用filter、調較吓光暗對比度，呂小姐就大方承認有用美妝Apps，真人唔使化妝，夠晒方便。彭小姐亦表示曾經用過美圖Apps推瘦塊面，仲有女蘋民表示：「呢排肥咗，就P吓條腰。」睇嚟大家為咗post靚相，都落咗唔少心機同時間啵。
咁有冇遇過P圖失敗個案？甄小姐即刻回應：「我見過一個朋友P過隻腳，係睇得出嘅，左右腳係唔一樣！」除咗長腿，馮小姐見過朋友特登P大對眼，「好似外星人咁。」又有蘋民吐苦水：「喺IG見啲皮膚就好靚、好光滑，好似啱啱出世咁，但係出到嚟又好多暗瘡喎！」唔怪之得葛小姐笑話：「個個(喺IG)都係李嘉欣咁款，但出到嚟可能係八兩金。」若要人不知，唔好太「低P」。
譚小姐就覺得唔好太在意人哋點睇，「P完有時幾有滿足感嘅，哈哈。」葛先生估計網民迷上修圖「可能係內心寂寞」，亦有受訪者話：「其實香港都幾大壓力，咁P吓圖、畀人讚一讚，都幾爽既！」不過鍾先生就感嘆：「做返自己，唔好咁假啦！」馮小姐更睇透世事，「唔好過分沉溺喺虛構空間，現實其實冇咩進步過囉。」最後由洪先生道出殘酷真相，叮囑大家咪亂P圖：「P圖呢啲嘢通常係男女神做，小毒毒嗰啲真係唔好試呀，你P極都係咁樣o架咋，信我啦！」
採訪：何宛珊(表妹)
攝影：Neo、方智傑
後期：方智傑
編審：Kaman、仙
提到P圖，正當絕大部分人都宣稱自己IG嘅相只有執吓顏色、間中用filter、調較吓光暗對比度，呂小姐就大方承認有用美妝Apps，真人唔使化妝，夠晒方便。彭小姐亦表示曾經用過美圖Apps推瘦塊面，仲有女蘋民表示：「呢排肥咗，就P吓條腰。」睇嚟大家為咗post靚相，都落咗唔少心機同時間啵。
咁有冇遇過P圖失敗個案？甄小姐即刻回應：「我見過一個朋友P過隻腳，係睇得出嘅，左右腳係唔一樣！」除咗長腿，馮小姐見過朋友特登P大對眼，「好似外星人咁。」又有蘋民吐苦水：「喺IG見啲皮膚就好靚、好光滑，好似啱啱出世咁，但係出到嚟又好多暗瘡喎！」唔怪之得葛小姐笑話：「個個(喺IG)都係李嘉欣咁款，但出到嚟可能係八兩金。」若要人不知，唔好太「低P」。
譚小姐就覺得唔好太在意人哋點睇，「P完有時幾有滿足感嘅，哈哈。」葛先生估計網民迷上修圖「可能係內心寂寞」，亦有受訪者話：「其實香港都幾大壓力，咁P吓圖、畀人讚一讚，都幾爽既！」不過鍾先生就感嘆：「做返自己，唔好咁假啦！」馮小姐更睇透世事，「唔好過分沉溺喺虛構空間，現實其實冇咩進步過囉。」最後由洪先生道出殘酷真相，叮囑大家咪亂P圖：「P圖呢啲嘢通常係男女神做，小毒毒嗰啲真係唔好試呀，你P極都係咁樣o架咋，信我啦！」
採訪：何宛珊(表妹)
攝影：Neo、方智傑
後期：方智傑
編審：Kaman、仙
回應 (0)
