現在是男人性感的年代大台搵男藝人騷肌吸睛

【蘋果日報】性感呢兩個字，今時今日已經唔係女人嘅專利，男人一樣可以性感，大台就深明呢個道理喇，所以節目同劇集，大台都已經搵啲男人味十足嘅男人嚟騷肌吸睛，好似嚟緊會播嘅台慶劇《誇世代》，就搵嚟陳豪勁晒肌肉喇。
森美最近帶埋幾位靚女加個小朋友，一齊飛去日本拍攝《森美旅行團》，當中森美最性感就係介紹溫泉嘅時候，大騷佢美好嘅身材，對女觀眾嚟講，應該吸引過睇女仔着三點式。
袁偉豪喺《使徒行者2》入面，連續兩集騷肌，佢着住白色泳褲喺泳池游水，同佢做對手戲嘅係個身材火辣嘅泰國女仔，比起上一集單丁焗桑拿多咗唔少艷福，唔知係咪呢個原因，袁偉豪上水嗰下，仲疑似「大鵰」現形添。
張繼聰喺《老表，你好Hea！》入面，除咗騷肌之外，仲猜「震波枚」，用佢嘅胸肌玩十五二十，真係唔簡單。
講到最多肉，一定係阿Bob林盛斌，佢騷嘅唔係肌肉，而係肥肉，但咁樣吸唔吸到觀眾呢？好難講嘅，各花入各眼嘛。