新聞類別
娛樂
詳情#
【蘋果日報】第一屆馬來西亞國際電影人年展昨日在大馬舉行，賽前已認定自己是陪跑的何超儀，憑新加坡電影《無限春光27》奪得最佳女配角，而姜皓文（黑仔）就以《拆彈專家》得男配角獎，吳子雲就憑《六弄咖啡館》獲得新晉導演獎，唐季禮以《功夫瑜伽》奪最佳導演及最佳電影動作獎。賽前獲得最多提名的泰片《出貓特攻隊》贏得最佳電影及最佳女主角等獎項，而狄龍獲頒終身成就獎。
話評審有慧眼
昨日公佈女配角獎項時，超儀喜出望外，她在台上以英文發表感言多謝導演，受訪時自言覺得驚喜：「估唔到啲評審咁有慧眼，開頭以為其中一個單元好輸蝕，點知都拎到獎，好多謝。」她續說：「初初收到劇本係好開心，一路睇一路笑，但電影意識好大膽，連老公都問：『真係接？』老竇知道後都有同我講『你唔係呀？你又做雞，可唔可以唔好再做雞？』我同老竇講做雞先至掂，今次唔係普通嘅雞，係好有代表性，好有意義嘅雞。」
超儀又爆賭王老竇要求今次是最後一次做妓女角色，但被她拒絕。超儀說：「老竇問我『你可唔可以今次係最後一次做雞？』我話梗係唔得啦！如果荷李活搵我做雞，我仆倒去做呀！反轉都得呀！會攞個獎返香港畀佢睇，等佢知道我做雞做得幾掂！」
黑仔大馬有緣
黑仔演技雖然漸漸得到外界認同，但始終未取得過電影獎項，所以昨日獲獎，他十分開心。當在頒獎禮上聽到自己得獎一刻，他激動得立即攬着老婆，領獎後受訪表示：「感謝大馬畀第一個電影獎我，似乎我同大馬真係好有緣，我再次要多謝太太、導演同劉德華，今晚要同太太食盡吉隆坡，慶祝一番。」
採訪：曹家誠
話評審有慧眼
昨日公佈女配角獎項時，超儀喜出望外，她在台上以英文發表感言多謝導演，受訪時自言覺得驚喜：「估唔到啲評審咁有慧眼，開頭以為其中一個單元好輸蝕，點知都拎到獎，好多謝。」她續說：「初初收到劇本係好開心，一路睇一路笑，但電影意識好大膽，連老公都問：『真係接？』老竇知道後都有同我講『你唔係呀？你又做雞，可唔可以唔好再做雞？』我同老竇講做雞先至掂，今次唔係普通嘅雞，係好有代表性，好有意義嘅雞。」
超儀又爆賭王老竇要求今次是最後一次做妓女角色，但被她拒絕。超儀說：「老竇問我『你可唔可以今次係最後一次做雞？』我話梗係唔得啦！如果荷李活搵我做雞，我仆倒去做呀！反轉都得呀！會攞個獎返香港畀佢睇，等佢知道我做雞做得幾掂！」
黑仔大馬有緣
黑仔演技雖然漸漸得到外界認同，但始終未取得過電影獎項，所以昨日獲獎，他十分開心。當在頒獎禮上聽到自己得獎一刻，他激動得立即攬着老婆，領獎後受訪表示：「感謝大馬畀第一個電影獎我，似乎我同大馬真係好有緣，我再次要多謝太太、導演同劉德華，今晚要同太太食盡吉隆坡，慶祝一番。」
採訪：曹家誠
回應 (0)
