新聞類別
娛樂
詳情#
【蘋果日報】【我老公係發哥連載系列6之贏到開巷】周潤發憑89年的《賭神》登上事業第二個高峯，他演繹的賭神「高進」深入民心，可能不少影迷以為現實中的發哥也可以在賭枱大殺三方，不過大家要失望了，因為真正的賭神是他太太陳薈蓮。
生於新加坡的發嫂，年輕時經常見到父親與世叔伯打牌或者玩21點，對賭加深了認識，後來她試玩發現自己很有天份和運氣，玩21點、話事啤、十三張等經常贏錢。
「我先係賭神」
當發嫂接受本報連載專訪，被問到發哥是否賭神時，她笑說：「周潤發梗係唔係賭神，我先係賭神呀！因為年年我都有一班朋友，喺新年就嚟我屋企拜年，咁食完飯大家會開賭局，我仲會做莊！幾粒鐘會輪流玩21點、魚蝦蟹、大細等等，我真係年年贏到開巷！」
聽聞發哥接演《賭神》時有向老婆取經，因為發哥過時過節才會陪老人家打牌，平時根本不賭。問發嫂過年時開賭，發哥會否落場和她對賭，她笑言：「唔會啦！唔好啩！兩公婆賭，邊度好玩呀？同朋友玩好啲，其實佢唔賭嘅，因為冇興趣，頂多唔夠麻雀腳，新年就幫忙頂腳，唔玩就會幫我服侍啲朋友囉！咁上下佢就先行上房休息。」
計數特別精
在英國讀會計出身的發嫂計數特別精，賭博其實也要計數，發嫂表示：「我對賭係有興趣研究，而且係好有賭運，譬如玩21點，成日攞到3條7喎！好似我有嗰個magic power去控制個牌，玩到興起時，成身出晒汗不特止，我仲企喺凳上面甩牌，大家係唔可以想像到我可以咁樣，朋友全部輸晒，個個輸到要去撳機再返嚟賭過，佢哋真係輸到想死！」
採訪：陳月媚、倩宜
攝影：陳順禎
協力：林德雄
化妝：Fiona To
髮型：Byron Ho、Louis
生於新加坡的發嫂，年輕時經常見到父親與世叔伯打牌或者玩21點，對賭加深了認識，後來她試玩發現自己很有天份和運氣，玩21點、話事啤、十三張等經常贏錢。
「我先係賭神」
當發嫂接受本報連載專訪，被問到發哥是否賭神時，她笑說：「周潤發梗係唔係賭神，我先係賭神呀！因為年年我都有一班朋友，喺新年就嚟我屋企拜年，咁食完飯大家會開賭局，我仲會做莊！幾粒鐘會輪流玩21點、魚蝦蟹、大細等等，我真係年年贏到開巷！」
聽聞發哥接演《賭神》時有向老婆取經，因為發哥過時過節才會陪老人家打牌，平時根本不賭。問發嫂過年時開賭，發哥會否落場和她對賭，她笑言：「唔會啦！唔好啩！兩公婆賭，邊度好玩呀？同朋友玩好啲，其實佢唔賭嘅，因為冇興趣，頂多唔夠麻雀腳，新年就幫忙頂腳，唔玩就會幫我服侍啲朋友囉！咁上下佢就先行上房休息。」
計數特別精
在英國讀會計出身的發嫂計數特別精，賭博其實也要計數，發嫂表示：「我對賭係有興趣研究，而且係好有賭運，譬如玩21點，成日攞到3條7喎！好似我有嗰個magic power去控制個牌，玩到興起時，成身出晒汗不特止，我仲企喺凳上面甩牌，大家係唔可以想像到我可以咁樣，朋友全部輸晒，個個輸到要去撳機再返嚟賭過，佢哋真係輸到想死！」
採訪：陳月媚、倩宜
攝影：陳順禎
協力：林德雄
化妝：Fiona To
髮型：Byron Ho、Louis
回應 (0)
