新聞類別
娛樂
詳情#
【蘋果日報】草蜢五場「草蜢Live Goes On世界巡迴演唱會2017」香港站演唱會，前晚喺紅館開鑼，除咗連場勁歌熱舞，仲有唔少火辣場面。草蜢三子同女dancers大膽互摸，蔡一智仲做埋「人肉三文治」，搞到個場㷫烚烚。
約定火星開騷
阿智喺台上話：「今日唱咗好多歌係關於時間同選擇，將來大家係有得揀，就係快樂。快樂有三件事，第一係有自己想做嘅事，第二係有值得愛嘅人，第三係有夢想。」阿智仲話：「我想講草蜢都有個夢想想分享，唔知幾時會發生，就係草蜢會喺宇宙另一邊開演唱會，草蜢去到火星、去到木星，大家會唔會同我哋一齊去？係咪都係咁興奮？去到2085年，我哋草蜢就喺火星開演唱會。」
傷膊頭冇問題
完騷後草蜢接受訪問，講到佢哋演唱會連場勁舞，氣氛high爆，蔡一傑就話：「之前都已經講咗，我哋嘅演唱會88%都係跳舞㗎啦！」提到佢喺演唱會前整傷咗膊頭，傑仔就話：「係chok傷咗，手揈到某個角度就去唔到，冇問題，我仍然跳得好堅嘅。」
阿智話跳到腳斷，但就講笑話見到啲兔女郎即刻冇晒事，成個人直晒。傑仔話舞蹈員日夜排練，有人練到受傷，要去睇跌打，前幾日仲有舞蹈員唔小心扭傷，傑仔講到眼紅紅：「所以演唱會嚟講，最多跳舞部份嘅，我夠膽講就係草蜢。」
撰文：馮仁昭
約定火星開騷
阿智喺台上話：「今日唱咗好多歌係關於時間同選擇，將來大家係有得揀，就係快樂。快樂有三件事，第一係有自己想做嘅事，第二係有值得愛嘅人，第三係有夢想。」阿智仲話：「我想講草蜢都有個夢想想分享，唔知幾時會發生，就係草蜢會喺宇宙另一邊開演唱會，草蜢去到火星、去到木星，大家會唔會同我哋一齊去？係咪都係咁興奮？去到2085年，我哋草蜢就喺火星開演唱會。」
傷膊頭冇問題
完騷後草蜢接受訪問，講到佢哋演唱會連場勁舞，氣氛high爆，蔡一傑就話：「之前都已經講咗，我哋嘅演唱會88%都係跳舞㗎啦！」提到佢喺演唱會前整傷咗膊頭，傑仔就話：「係chok傷咗，手揈到某個角度就去唔到，冇問題，我仍然跳得好堅嘅。」
阿智話跳到腳斷，但就講笑話見到啲兔女郎即刻冇晒事，成個人直晒。傑仔話舞蹈員日夜排練，有人練到受傷，要去睇跌打，前幾日仲有舞蹈員唔小心扭傷，傑仔講到眼紅紅：「所以演唱會嚟講，最多跳舞部份嘅，我夠膽講就係草蜢。」
撰文：馮仁昭
回應 (0)
