胡鴻鈞被指深夜送外賣上許廷鏗屋企留宿

【蘋果日報】歌手兼牙醫許廷鏗(Alfred)憑俊朗外型同磁性聲線冧掂唔少女粉絲，同時多次傳出斷背緋聞，與「嫩版陳奐仁」公園瞓大髀及咀嘴，之後同關心妍嘅「易服男」助手阿小傳喺的士纏綿，又與張敬軒傳過緋聞。
昨日有報道指，許廷鏗同胡鴻鈞關係亦係友達以上，之前許廷鏗係同屋企人一齊住，不過未知係唔係專心搞音樂，加上現時做「華納一哥」，佢就搬咗去大圍，日前影到好友胡鴻鈞出完騷去買甜品同泰國菜送外賣上許廷鏗屋企，成程胡鴻鈞都戴上口罩，當晚更留喺許廷鏗屋企，成晚冇離開，報道又指平時許廷鏗同胡鴻鈞都係有影皆雙，不時喺IG貼出合照，難怪傳出斷背情。