I cup天木純sell月曆自爆忙健身想露多一個部位

【蘋果日報】日本I cup偶像天木純日前現身宣傳佢剛推出嘅2018年月曆，佢以同月曆封面照一樣嘅打扮現身，繼續大賣其巨乳身材。
22歲嘅天木純得1.48米身高，但擁有超乎常人嘅身材，佢話近期忙於健身，希望練出完美翹臀，等日後除咗巨乳，靚股都係佢另一個賣點。天木純一直都希望出自己嘅月曆，佢話自己本身好鍾意星野亞希之前推出嘅月曆，所以今次月曆寫真概念都係希望可以同時展現可愛同成熟魅力，其中天木純最鍾意9月和10月嘅寫真，因為佢覺得造型好成熟，但又騷到身材，而且佢發現坐低影相嘅呢個甫士，原來出嚟效果咁好。
提到近日拍水着嘅難忘事，天木純話早排去咗夏威夷樹林拍嘢，唔小心跣倒受傷，佢仲話希望到30歲都繼續做水着偶像，同時亦希望作多方面發展。